05
Jul-2017

كيف تتجنب التصريح الامني الى تركيا

تركيا   /  

التصريح الامني اصبح من اكتر المنغصات على جميع الطلبة والشباب (بدون وظيفة في جواز السفر) الي عايزين يسافروا بلاد كتيرة جدا من غير تاشيرة او سهلة التاشيرة

ويعتبر كمان عائق سفر سخيف لكل الناس الي عايزة تسافر تركيا، لانه مطلوب تصريح سفر، اياً كانت وظيفتك ومؤهلك.

نظرا لظروف سفري الكتيرة جدا طول الوقت، ملحقتش اعمل تصريح امني قبل سفري الى تركيا. الطريقة الاسهل طبعا هى السفر اولا الى بلد لا تحتاج الى تصريح أمني ومن بعدها السفر الى تركيا.

اشتريت تذكرة اتجاه واحد الى اثينا – اليونان – ولم يعترض موظف شركة طيران اليونانية على ذلك ولم يقل شيئا. قد يكون ذلك لان جواز سفري مليان اختام وتأشيرات، لكن احيانا بيطلبوا تذكرة رجوع.

وصلت اثينا وختمت دخول اثينا وخرجت من المطار علشان معايا تاشيرة شنجن صالحة. وبعدين دخلت المطار تاني وختمت خروج واخدت ترخص طيران اللى اسطنبول – على خطوط طيران بيجاسوس علشان معايا تاشيرة الكترونية لحاملي تاشيرة الشنجن.

طبعا الحل الملتوي ده بيكلف فلوس اكتر، لانك مضطر تشتري تذكرتين سفر منفصلتين. وتعمل زي ابطال افلام الجاسوسية وتتنقل من مطار للتاني علشان تتفادى التعقيدات الامنية.

اكيد كل المقصودين بالتصريح الامني بيعملوا زي ما انا بعمل كدة علشان يهربوا من القصة دي ويتظلم في اجرائات التصريح الناس الغلابة الي مالهاش ذنب.

شأن مصري خالص

طبعا التصريح الامني ده شأن مصري خاص. يعني لما تسافر من اي مطار غير مصري، مش مطلوب منك غير تقديم تاشيرة سفرك فقط. يعني ممكن تسافر من اي بلد تقدر تسافرها بدون تصريح، ومن هناك تسافر الى البلد الي انت عايزها، طالما معاك تاشيرتها اولا تحتاج تاشيرة.

المفاجأة

المفاجأة الي حصلت هي اني قابلت صديقة مسافرة هي وبنتها الى اسطنبول على الخطوط اليونانية عن طريق عمل ترانزيت في مطار اثينا. سألتها علشان اطمن عملت  تصريح السفر في قد ايه ولكن قالتي انها معملتش تصريح. “ازاي بس … محدش سألك عنه؟” … حلفت لي ان محدش طلبه ولا سأل عليه.

الي استغربته ان هي كانت معاها شنط وعملت ليها check in علشان تستلمها في اسطنبول. اخدت كارتين boarding pass واحد الى اثينا واحد الى اسطنبول. وصلت اثينا وراحت صالة الترانزيت بدون ختم خروج من المطار وركبت طيارتها التانية الى اسطنبول.

من الواضح ان اجرائات الكشف عن التصريح الامني لم تتبع عدة اسباب:

– مسافرة اولا اثينا – اليونان ومش مسافر اسطنبول مباشرة.

– مش معاها تاشيرة تركيا على الباسبور. معاها تاشيرة شنجن صالحة تسمح لها باصدار تأشيرة الكترونية لدخول تركيا.

– قد تكون اجرائات التصريح للبنات اقل تشددا من الولاد.

– قد تكون علشان ام ومعاها بنتها الصغيرة. طنشوها.

سؤال

هل في حد سافر تركيا قريب، مباشر او ترانزيت، وحصل معاه موقف مشابه ولم يتم طلب تصريح امني منه قبل السفر؟ ياريت تشاركونا في الكومنتات على البوست.

الزتونة في المقالة دي

لو عايزين تعرفوا كل الاجرائات المطلوبة للتصريح الامني والدول الي محتاجها، اقروا المقالة دي للزميل بهاء فاروق في جروب Travel Secrets …. انا للاسف معنديش خبرة مباشرة في اموره.

12

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec