26
Mar-2017

ليه اتمنعت من دخول تركيا من جورجيا؟

جورجيا   /  

كيف تذهب من جورجيا الى تركيا ب٧ جنية …. ده كان العنوان بتاع المقالة دي قبل ما اتمنع من دخول تركيا. ليه؟ خير؟

بعد ما وصلت مدينة باتومي الجورجية على سواحل البحر الاسود، لقيتها فاضية جدا. اكنك روحت الساحل الشمالي في ديسمبر كده. معظم المحلات قافلة والبحر ساقعة مفيش حد فيها. قولت حرام اصورها واقعد فيها وهي فاضية كدة ومش حلوة. ابقى اجي مرة تانية في الصيف.

دخلت على النت الصبح – www.evisa.gov.tr/en – وقدمت على تاشيرة تركيا Online لان معايا تأشيرة شنجن سارية.( ارجع للمقالة دي علشان تعرف قائمة الدول الي ممكن تدخلها بتأشيرة الشنجن.). دفعت ٢٠ دولار والتاشيرة وصلتني على الايميل وكانت الخطة كالآتي:

– اخد ميكروباص من مدينة باتومي الى مدينة “ساربي – Sarpi” على الحدود مع تركيا – تذكرته ١ لاري – حوالي ٧ جنية

– اختم خروج من جورجيا واعبر الحدود لسيرا على الاقدام اصل الى الجوازات التركية

– اختم دخول في الجوازات التركية وادخل

– اركب اتوبيس او ميكروباص او تاكسي مشترك (٣ دولار) لاصل لاقرب مدينة من الحدود – مدينة “هوبا Hopa

– اركب اتوبيس من مدينة هوبا الى وجهتي الاولى في تركيا – مدينة طرابزون – وبعدها اكمل جولتي في تركيا.

الفرحة تعلو وجهي قبل الرفض بين الحدود الجورجية – التركية

التاشيرة اترفضت

لكن للاسف الخطة باظت في النص ولم تكتمل. ليه؟ لاني لما قدمت التاشيرة الالكترونية المطبوعة لضابط الجوازات في الحدود التركية رفضها وقالي دي مقبولة فقط في المطارات. يهديك يرضيك … مفيش فايدة. قولتله مش مكتوب كدة في الموقع ولا في التاشيرة … مفيش فايدة برضو. اضطررت للرجوع مرة اخرى الى الحدود الجورجية والي خدت وقت هي كمان علشان تدخلني بختم دخول جديد. لكن دخلت بدون مشاكل علشان تاشيرة الشنجن. على افكرة، التاشيرة الاونلاين لجورجيا تسمح لك بالدخول والخروج اكتر من مرة ومدة اقامة ٣٠ يوم خلال فترة صلاحيتها.

رجعت مدينة باتومي مرة اخرى اجر اذيال الخيبة والندامة … وهرجع تبليسي وادور على تذكرة طيران رخيصة الى تركيا.

الدورس المستفادة:

لو حد عايز يروح تركيا من جورجيا، لازم يكون معاه تاشيرة تركيا مطبوعة على جواز السفر علشان يعدي برا من باتومي. ويمشي على الخطوات الي كتبتها فوق

لو عايز ياخد تاشيرة اونلاين زي ما انا عملت، يبقى يطير من تبليسي الى اسطنبول، التذكرة اتجاه واحد بحوالي ٤٠ دولار.

اشوفكم في تركيا ان شاء الله

6

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec