12
Aug-2016

أكذوبة البلوهول – دهب

اكذوبة البلوهول

احد اهم الانشطة الي تتعمل في دهب هي السباحة على وش المية بالماسك وعمود الهواء والفرجة على الشعب المرجانية والحياة البحرية حولها – Snorkling زي ما اسمها بالانجليزي. دهب مليانة بالمناطق الحلوة والغنية بالحياة البحرية الجميلة جدا، وكل منطقة منهم ليها اسم وطبيعة جغرافية مختلفة.

بس انا لاحظت ان مفيش اي برنامج رحلات الى مدينة دهب الا وبيحط في البرنامج بتاعه زيارة البلوهول Blue Hole – ويقعد يشعر فيها انها احسن واحلى مكان في العالم للسنوركلينج snorkling و انه زيارة دهب لن تكتمل الا بزيارتها. وجميع بتوع الرحلات في دهب، بيعملوا رحلات ليها كتير جدا.

انا في رأيي انها اصبحت مكان over-rated – يعني مكان واخد اكتر من حقه.

هي تعتبر معجزة جيولوجية طبعا. انها تعتبر Hole بعمق ٩٤ متر، وبمحاذاة الشاطئ مرة واحدة كدة. بس الشكل الجميل الي انت شايفه في الصورة ده مش هتشوفه لما تروح هناك. لازم تطلع على الهضاب والجبال العالية الي جنبها علشان تشوف “الخرم الازرق” من فوق.

the-famous-blue-hole

هي يا جماعة كانت من احلى الاماكن للسباحة والاستمتاع بالحياة البحرية فعلا – كانت. فعل ماضي. للأسف من كتر الزيارات والسباحة في البلوهول، الحياة البحرية اصبحت فقيرة جواها جدا. “السمك طفش منها،بالعافية لما تلاقي شوية سمك جواها دلوقتي” على حد تعبير احد العاملين في مجال الرحلات في دهب.  هي تعتبر مكان حلو للغطس، لان الحياة البحرية مزدهرة خارج البلوهول، ولكن في الاعماق – ٢٠ متر مثلا.

bluehole5

bluehole4

طبعا ده رأي المحايد عن تجربة سباحة شخصية فيها ومقارنتها بأماكن تانية في دهب. انا دوري هو نقل التجربة بالامانة الكاملة.

دهب مليانة اماكن سنوركلينج احلى بكتير من البلوهول. يعني مثلا اشهر منطقة و Reef في قلب دهب اسمه الفنار Light House ، بجد احلى من البلوهول ١٠ مرات. مليان حياة بحرية حلوة جدا جدا. ومش محتاجة وسيلة مواصلات علشان تروح زي البلوهول.

Dahab_DiveSites_Map

في اعتقادي ان سر هرولة جميع مراكز الرحلات في دهب على عمل رحلات سنوركلينج الى البلوهول، بالرغم من افتقارها للحياة البحرية، هو ان البدو عاملين الكثير من الكافيهات و المطاعم حولها. اسباب اقتصادية نفعية للطرفين – منظمين الرحلات واصحاب الكافيهات.

يوجد اماكن احلى من البلوهول بكتير لعمل رياضة السنوركلينج، ومليانة حياة بحرية على عمق مترين، الي هم تقدر تشوفهم بالسباحة فقط مش الغطس.

انتظروا تقرير كامل عن جميع الرحلات والزيارات والانشطة البحرية والصحراوية الي تتعمل في دهب واسعارها كمان. 

 

 

4

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec