12
Aug-2016

الأم مدرسة

13886949_1829147147315728_2559965801849942052_n

وانا قاعد على البحر في دهب, ملقتش غير العنوان ده مناسب للصورة دي!! أم المانية قاعدة مع اطفالها الثلاثة, كل واحد ماسك كتاب ومنهمك في قراءته. أنا عمري ما شوفت اسرة مصرية للأسف بتعمل كدة, لان القراءة اصلا مش من اولويات حياتنا. هتلاقي العيال ماسكة تليفون ولا آيباد تلعب عليه العاب تربي تخلف عقلي للعيال.

امانة عليكم عودوا ولادكم على القراءة وهم صغييرين وحببوهم فيها. حتى لو انتوا مش من هوايتكم القراءة اوي, اقرأوا معاهم قصص مش تقعدوا تلعبوا معاهم على الموبايل!! حاولوا تقروا قدامهم وهم صغييرين علشان يتعودوا عليها. القراءة في نظري اهم من التعليم الصراحة. لانك لو بتقرأ دائما, انت في عملية تعليم مستمر. الطلبة دلوقتي بتتنافس على انها تنسى مناهج التعليم من قبل ما تخرج من الامتحان.

انا والله ما يهمني بنتي تجيب مجموع عالي كل سنة في المدرسة لو المذاكرة والمدرسة والدروس هتاخد منها كل وقتها وهتمنعها انها تمارس هوايات مفيدة زي القراءة والرياضة. ما يبقاش العيال عايشة علشان المذاكرة طول ال9 شهور بتوع المدرسة وفقط. الدنيا مش مجموع في مدرسة وتفوق ملوش مردود على طريقة تفكيرنا وتفتحنا وفهمنا للحياة.

ربنا اول كلمة نزلها في القرآن كانت اقرأ … لا قال صلي ولا قال صوم!

0

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec