05
Jan-2018

ازاي تلاقي احسن رحلة داخلیة في مصر ؟

لو عندك یومین اجازة وعایز تغیر جو وتسافر مكان جدید في مصر، هتروح فین؟

طبعا كل یوم على الفیسبوك بنشوف اعلانات شركات سیاحة لا تنتهي عن عروض رحلات في اجازة نص السنة تقریبا الى اماكن كتیر حلوة في مصر. هتلاقي سعر الرحلة مكتوب بالبنط العریض، لكن هل هتعرف تقارن بین جمیع الرحلات دي وتاخد قرار بالسعر فقط؟ لازم طبعا تشوف باقي التفاصیل علشان تعرف تعمل مقارنة منطقیة ومعقولة وتختار الافضل.

بصراحة الموضوع محیر جدا … محتاج یكون معاك ورقة وقلم وتلف على مواقع وصفحات الشركات الي تعرف تلاقیها وتكلمهم وتشوف الیه الرحلات الي عندهم وامتى وبكام وفیها ایه، وبعدین تعمل مقارنات بینهم وتحاول تلاقي حاجة مناسبة بسعر كویس. بصراحة اكید موضوع مرهق جدا.

الحل ایه طیب؟؟

تم اطلاق موقع جدید اسمه “قارنهم.كوم“​ ​​ ​Qarenhom.com هیساعدك تدور وتلاقي الي انت عایزه وهیخلیك تعمل المقارنات الي انت عایزها بكل سهولة. انا بصراحة اعجبت بالفكرة لما اتفرجت على الموقع وطرق البحث الي فیه لانها فعلا حاجة جدیدة جدا في سوق السیاحة الداخلیة في مصر. بدل ما تفضل تتوه وتدور على شركات سیاحة كتیر، قارنهم عمل اتفاقات مع عشرات شركات السیاحة المحترمة في سوق السیاحة المصریة علشان ینزلوا جمیع الرحلات بتاعتهم في الموقع بحیث ان اي مستخدم یقدر یقارن بكل سهولة جمیع الرحلات واسعارها وتفاصیلها.

ادوات البحث

اول ما تدخل على قارنهم هتختار قسم السفر الداخلي (الموقع بیقدم خدمات المقارنة ایضا لخدمات البنوك والتعلیم). وهتلاقي عندك ١٤ فلتر للبحث العادي والمتقدم، والي فیهم بعض الادوات الجدیدة والمناسبة لطبیعة رحلتك. لو انت لسه مش محدد انت عایز تروح فین ولا امتى، الموقع هیعرض لك حوالي ١٢٠ رحلة في كل حتة في مصر والمقدمة من جمیع الشركات المشتركة في الموقع. لكن لو انت عارف انت بدور على ایه تحدیدا، فخلیني اقولك ممیزات ادوات البحث المتقدمة الموجودة في الموقع، والي ممكن تستخدمها لوحدها او متجمعة مع بعض لتحدید اهم ٣ حاجات في رحلتك:

١- وجهة السفر وطبیعة الرحلة

اول سؤال طبعا محتاج تجاوبه بخصوص المكان، عایز تروح فین؟ البعض بیكون عارف هو عایز یروح انهي مدینة، بكل سهولة هیختار المدینة الي عایز یشوف رحلاتها من الفلتر رقم ١. لكن في ناس تانیة بتكون محتارة لسه ومش عارفة هي عایزة تروح انهي مدینة، لكن هي عارفة انها عایزة بحر واستجمام، یبقى ارشح لیك الفلتر رقم ١٣نوع الرحلة، والي بیدیك اختیارات متنوعة: ١) شاطئیة، ٢) اثریة، ٣) مغامرة ٤) نهایة الاسبوع، ٥) الیوم الواحد. طریقة البحث دي هتخلیك تتعرف على انواع رحلات تانیة انت ما تعرفش عنها كتیر.

٢- مواعید الرحلة ومدتها

طیب الرحلة هتكون قد ایه؟ وامتى؟ بعد ما عرفت المكان، تاني سوال عندك اكید هیكون متعلق بالزمان. الموقع عنده اكتر من طریقة بحث علشان تعرف المواعید والمدد المناسبة لیك. عندك مثلا الفلتر رقم ٢ الخاص بعدد ایام الرحلة، والي في رأیي اختراع لطیف وجدید. برامج رحلات كتیرة احیانا بتكون ارخص والفضل لو اكتر من یوم. علشان كدة الموقع بیعرض لیك رحلات لیه برنامج جاهز سلفا لفترات مختلفة. هتلاقي رحلات شرم والغردقة مثلا اغلبها ٣ او ٤ لیالي، هتلاقي الرحلات الابعد الى الاقصر واسوان ٥ او ٦ لیالي. جمیع الاختیارات متوفرة.

الفلتر رقم ٤ تقدر من خلاله تختار تاریخ سفر محدد انت عایز تسافر فیه. عندك مثلا یوم ٢٥ ینایر ٢٠١٨ جاي یوم خمیس، یعني تقدر تعمل رحلة مدتها ٣ ایام مع یومي الجمعة والسبت. بالفلتر ده تقدر تختار یوم ٢٥ ینایر علشان یقولك ایه الرحلات المتوفرة في هذا الیوم. طریقة تالتة تقدر تختار فیها توقیت السفر، الا وهي الرحلات الخاصة بالمناسبات.

الفلتر رقم ٧ بیدیك الامكانیة انك تبحث عن رحلات خاصة بمناسبات واعیاد او احداث. یعني مثلا هتلاقي فیها رحلات خاصة في شم النسیم، اجازة نص السنة، )قریبا العید الصغیر والعید الكبیر(، وحتى كمان هتلاقي علیه رحلات خاصة بمنتخب مصر في كاس العالم بروسیا. هتلاقي عروض مثلا خاصة بكاس العالم من شركات كتیر جدا تقدر تقارن بینهم.

٣- نوع الاقامة ومستواها

هتلاقي عندك عدة فلاتر تساعدك انك تلاقي نوع ومستوى الاقامة الي انت بتدور علیه. الفلتر رقم ١١ خاص بتقییم الفندق بیدیك الامكانیة انك تختار مستوى الفندق المناسب لطبیعة رحلتك. یعني لو مسافر مع صحابك دهب مثلا، ممكن تاخدوا فندق نجمتین او تلاتة علشان توفروا فلوسكم وتعملوا بیها انشطة حلوة، لكن لو مسافر مع مراتك وولادك اجازة وعایز تدلعهم، یبقى تروحوا فندق ٤ او ٥ نجوم.

الفلتر رقم ١٠ خاص بالوجبات ويعتبر من الفلاتر المهمة طبعا لانه بیعتمد على طبیعة اجازتك ومیزانیتها. لو في انت في شهر عسل مثلا، هتكون عایز فندق/منتجع شامل جمیع الوجبات والمشروبات، علشان المفروض انت هتقضي وقت اكتر في الفندق وهتكون عایز تستمتع بجمیع خدماته. لكن لو مع صحابك في مدینة جدیدة، ممكن تاخدوا فندق بالفطار، وتبقوا تتغدوا وتسهروا في المطاعم والكافیهات الي في المدینة.

الفلتر رقم ٩ كمان بیدیك الامكانیة انك تختار وسائل الترفیة المتتاحة في الفندق، واهمهم بالنسبة للاطفال هي “الالعاب المائیة”، والي بتكون متوفرة في بعض الفنادق ببلاش.

الفلتر رقم ٣ كمان مهم علشان تختار نوع الغرفة. اغلب اسعار الرحلات بتكون محسوبة على سعر الفرد في غرفة مزدوجة، لكن لو انت برنس ومسافر لوحدك او تفضل الاقامة في غرفة فردیة، یبقى ممكن تختار الفلتر ده علشان یعرض لك الرحلات الي بتوفر غرف فردیة.

المقارنة والاختیار

انا قررت اني اطلع رحلة نیلیة الاقصر واسوان مدتها ٤ ایام و٣ لیالي في اجازة نص السنة، ازاي الاقي افضل الرحلات؟ دخلت على موقع “قارنهم” واخترت رنوع الرحلة اثریة، وسیلة الانتقال بواخر، ومدة ٤ ایام/٣لیالي. الموقع في ثانیتین عرض ٢٠ رحلة مطابقة للمواصفات دي، والاسعار تبدأ من ١٤٠٠ جنیة للشخص وبتوصل لالفین وتلاتة حتى ٥١٠٠ جنیة!! فرق بین ارخص واغلى واحدة اكتر من ٣ اضعاف. هل تقدر تقرر انك تختار الارخص من غیر ما تعرف ایه الفرق بینهم؟ اكید لا! الموقع بیعرض لیك بعض المعلومات البسیطة عن الرحلة وبیكون عندك الاختیار انك تقرأ التفاصیل الكتیرة في صفحة منفصلة. علشان تعمل مقارنات بین الرحلات المختلفة، بكل بساطة هتختار الرحلات الي عایز تقارنها ببعضها بدوسة بسیطة “اضف الى المقارنة” – وفي الآخر هدوس على “قارن اختیاراتك”. الموقع هیعرض لك جدول مقارنة بین الرحلات الي اخترتها بشكل سهل وسلس جدا في القراءة. جدول بیاناته موحدة علشان المقارنة تكون منطقیة. مستوى الفندق، الوجبات، الانتقالات، وحتى البرنامج السیاحي المتوفر للرحلة. انا شخصیا في خلال ٥ دقایق قدرت اعرف انهي رحلة هتكون مناسبة لیا.

التنفيذ والشراء

الموقع لا یعرض خدمة شراء الرحلات بشكل مباشر ولكن بیعرض علیك خدمة الاتصال بیك. یعني هتدخل بیاناتك وتلیفونك ومواعید الاتصال المناسبة والشركة هتكلمك علشان ترد على اي استفسارات اخرى لیك وتعرض علیك طرق الدفع والاشتراك في الرحلة المطلوبة.

الخلاصة

مواقع مقارنة الخدمات من الافكار الي لسه جدیدة في مصر، و موقع “قارنهم” بیحاول یقدمها بشكل عملي وفعال من خلال التعاقد مع مقدمي خدمات كتیر جدا في مجال السفر، والبنوك والتعلیم، وقریبا التأمین. في رائي انها خدمة جدیدة ومتمیزة وهتكون افضل وافضل لما جمیع مقدمي الخدمات یشتركوا فیها علشان یقدروا یعرضوا خدماتهم ویتافسوا بشكل افضل.

0

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec