09
Aug-2018

رحلة تايلاند وماليزيا – التاسعة – نوفمبر ٢٠١٨

 
الحمد لله بعد النجاح المستمر لرحلاتنا لتايلاند و ماليزيا، قررنا عمل رحلة في شهر نوفمبر ((( الفوج التاسع ))) بدون تعقيدات او إجراءات صعبة و بدون تصريح امني و بتكلفة بداية 14,500 جنيه فقط – بتاريخ سفر من يوم 4 نوفمبر و عودة يوم 14 نوفمبر – السعر يشمل جميع تذاكر الطيران الدولي و الطيران الداخلي و الإقامة لمدة 10 أيام – 9 ليالي و شامل أيضا الانتقالات من و الي المطار في كوالامبور و بوكيت – تنظيم و ترتيب الرحلة بالتعاون مع الرحالة محمد السيد (الي هيكون معاكم طوال ايام الرحلة)  و الرحالة بهاء فاروق مؤسس جروب السفر الشهير “Travel Secrets Club” .
** و هيكون متاح كمان برنامج رحلات طوال ايام الرحلة (( بتكلفة إضافية )) . و ان شاء الله انا اللي هكون متواجد مع الجروب طوال ايام الرحلة لتنفيذ البرنامج . فخلونا نتكلم عن البرنامج الاول وبعدين هتعرفوا التكاليف وكل التفاصيل بعدين وللحجز اوالاستعلام عن أي تفاصيل إضافية ، الرجاء التواصل مع شريك تنفيذ الرحلة – شركة Enjaz- على الارقام دي:
01000354111
01000354555
01022062650
 ‏
‏‎**** برنامج الرحلة ****
برنامج الرحلة ممتاز جدا و ممتع و شامل تقريبا معظم الانشطة في الدولتين باجماع اراء اكثر من ( 320 مشترك معانا فى ال 8 افواج السابقة) 
السبت مساء – ٣ نوفمبر
التجمع في مطار القاهرة الساعة ١٠ ليلا
الاحد 4 نوفمبر :-
‏‎السفر من مطار القاهرة الساعة 1 فجرا علي طيران الاتحاد – هيبقي عندنا ترانزيت مدته ساعتين و نص في ابوظبي، و الوصول الي بوكيت نفس اليوم الساعة 6:20 المغرب بتوقيت تايلاند. هيكون مشرفين الرحلة و السيارات متواجدين في انتظاركم في مطار بوكيت في تايلاند. هنوصل مكان الاقامة لاستلام الغرف و هيبقي باقي اليوم للراحة لتغيير العملة و اكتشاف المنطقة المحيطة.
‏‎يوم الاثنين 5 نوفمبر :-
‏‎رحلة بحرية لاكتشاف جزيرة جيمس بوند و الصخرة الشهيرة في خليج “Phang Nga bay” واحد من احلي المناظر في اسيا – و دخول كهف الدايموند و كهف المانجروف بالكاياك ( قوارب مطاطية صغيرة ) -الرحلة شاملة جميع الانتقالات من والى مكان الاقامة و المركب و رسوم دخول المحمية في الجزيرة و يشمل الغذاء.
‏‎الثلاثاء 6 نوفمبر :-
رحلة جزيرة “Phi Phi island“ الشهيرة
– هنروحها بالقارب السريع علشان هنعمل توقفات في اكثر من مكان ( اهمهم مشاهدة خليج Maya Bay من الخارج sightseeing و دا المكان اللي أتصور فيه فيلم ليوناردو دي كابريو و هنزور كمان كهف الفايكنج و جزيرة بي بي دون و شاطئ القرود و أكتر من توقف لعمل سنوركلينج في جزيرة كاي ). الرحلة شاملة الانتقالات من والى الفندق و اليوم دا شامل وجبة الغذاء علي جزيرة بي بي .
الأربعاء 7 نوفمبر :-
 
برنامج مغامرات كله ادرنالين وانشطة كتير من احلي الايام فى البرنامج : هيشمل رحلة “Rafting” في النهر السريع بالقوارب المطاطية من احلي الحاجات اللي ممكن تتعمل و انت مسافر- وبعد كدا جولة لعب مع الافيال في الغابات – بعدها جولة في الغابات برضو بس بموتوسيكلات ال(( بيتش باجي )) بين الاشجار و الادغال – ومعاهم كمان قفز “Zipline” بين الاشجار على الحبال مرة واحدة – الرحلة شاملة الانتقالات من والى محل الإقامة كما يشمل وجبة الغذاء
الخميس 8 نوفمبر :
‏‎جولة ” City Tour” لزيارة اهم معالم بوكيت السياحية الغير شاطئية
– معابد ومزارات دينية وتاريخية واثرية و زيارة معبد تشالونج – زيارة مدينة بوكيت القديمة ذو المباني القديمة الملونة و الكلاسيكية علي الطراز الاوروبي و زيارة تمثال Big Buddha- الرحلة شاملة البرنامج الانتقالات من والى الفندق (اليوم دا “لا” يشمل اي وجبات غذاء)
‏‎الجمعة 9 نوفمبر :-
‏‎يوم حر فاضي فاصل بين تايلاند و ماليزيا للراحة و الاسترخاء بحيث لو حبيت تروح تشتري هدايا او تتسوق او تروح أي شاطئ من الشواطئ المجاورة.
‏‎السبت 10 نوفمبر :-
مغادرة فندق بوكيت في الصباح الباكر الساعة 4 فجرا و التوجه الي مطار بوكيت بسيارات جماعية لركوب طائرتنا الى العاصمة الماليزية كوالالمبور الساعة 8 صباحا . الوصول الى مطار كوالالمبور في تمام الساعة 10.30 صباحا – والتحرك باتوبيس خاص برحلتنا الى محل الاقامة واستلام الغرف . اليوم دا فاضي من اوله لاخره بالكامل فممكن تستغله تعمل جولة حرة في المدينة للتسوق حيث ان ماليزيا من اهم دول التسوق باسعارها الممتازة. هبقي اقترح ليكم افضل أماكن و احنا مع بعض.
‏‎**** برنامج رحلة ماليزيا ****
‏‎
‏‎السبت 11 نوفمبر :-
‏‎عمل جولة سيتي تور في مدينة كوالالمبور بأتوبيسات سياحية مكيفة و زيارة اهم معالم المدينة : معبد Batu Cave الهندوسي الشهير ذو السلالم الملونة و حيث التمثال الذهبي العملاق الشهير للورد مورغان و زيارة قصر الملك ، ميدان الحرية حيث يافطة I love Kl الشهيرة و زيارة معرض الشيكولاته الماليزية , ثم التوقف عند حديقة KLCCالقريبة من برجين ال “Twin Towers” الشهيرين للتصوير. و عمل شوبنج في منطقة” Bukit Bintang“ حيث المولات الكثيرة باسعار رائعة ! الرحلة شاملة جميع الانتقالات مع مرشد ماليزي. ( اليوم “لا” يشمل وجبة الغذاء )
الاحد 12 نوفمبر :-
‏ التوجه الى واحد من احلى الاماكن الطبيعية فى ماليزيا و هى مرتفعات جنتنج “Highlands Genting” والصعود بالتلفريك احلي تلفريك ممكن تركبه لزيارة المعبد الصيني الشهير اعلى الجبال Chin Swee Temple حيث المنظر الخلاب بتبقي فوق السحاب و زيارة افضل و ارخص مول للتسوق للبراندات الشهيرة – اليوم شامل جميع الانتقالات و تذاكر التلفريك ( اليوم “لا” يشمل الغذاء)
‏‎الاثنين 13 سبتمبر :-
‏‎هنعمل check outمن محل اقامتنا في كوالالمبور و ركوب طائرتنا الي مصر الساعة 7.30 مساءا ، هيبقي عندنا تزانزيت واحد مدته 4 ساعات و الوصول الي مصر يوم 14 نوفمبر – مطار القاهرة تمام الساعة 5.30 فجرا.
‏‎**** الاقامة ****
‏‎الإقامة في بوكيت في تايلاند هتبقي في منطقة Patong beach اشهر منطقة سياحية في بوكيت و في كوالالمبور هتبقي بالقرب من منطقة Bukit Bintang
في كوالالمبور حيث يوجد اكثر من 5 مولات عملاقة للتسوق. و الاكل العربي.
متاح السكن في جيست هاوس بتكلفة منخفضة لهواة السفر منخفض التكاليف للشباب فقط كما يوجد أيضا فنادق مستوي 3 و 4 نجوم اللي دايما بنعمل فيهم رحلاتنا السابقة.
‏‎- لو انت مسافر/مسافرة لوحدك وعايز تقعد في فندق، هيتم تسكينك مع مسافر/مسافرة اخرين في الرحلة. يعني لو جاي لوحدك وعايز فندق مش مشكلة، هنلاقي حد مناسب يقعد معاك في الغرفة.
‏‎**** الطيران والتنقلات ****
‏‎الطيران الدولي مع خطوط طيران الاتحاد والوزن المسموح شنطتين وزن إجمالي 40 كيلو للشنطتين مع بعض بالاضافة لشنطة يد او ظهر صغيرة ٧ كيلو . الطيران الداخلي الوزن المتاح 25 كيلو بالاضافة لحقيبة يد واحده او شنطة ضهر صغيرة ٧ كيلو، التنقلات الداخلية بين الفنادق والمطارات هتكون في اتوبيسات/سيارات مكيفة لنقل المجموعات.
‏‎**** سعر الرحلة متاح 3 مستويات مختلفة ****
 للشباب هواة السفر المنخفض التكاليف باقل فلوس – الإقامة في جيست هاوس او فندق متواضع غرفة خاصة مكيفة بحمام خاص مستوي  – بدون إفطار : 14,500 جنية للفرد
**الفنادق ال 3 نجوم :
الإقامة في فندق 3 نجوم في غرفة عائلية مزدوجة او ثلاثية (تريبل) بالافطار اوبن بوفيه – 16,500 جنية للفرد
الإقامة في فندق 3 نجوم في غرفة مفردة (سنجل) بالافطار اوبن بوفيه : 19,900 جنيه للفرد
‏‎**الاقامة في فنادق ٤ نجوم:
‏‎- الإقامة في الفندق في غرفة مزدوجة (دبل) او ثلاثية (تريبل) بالافطار اوبن بوفيه – 18,500 جنية
‏‎-الإقامة في الفندق في غرفة مفردة (سنجل) بالافطار اوبن بوفيه: 23,800 جنيه
السعر محدود جدا لاول 25 فراد فقط بعد كدا الاسعار قابلة للزيادة فى حالة زيادة اسعار الطيران . و الحجز باسبقية الدفع
‏‎****سعر الرحلة للأطفال ****
‏‎- الأطفال من سن سنتين حتى سن ١١ سنة في سرير الوالدين (بدون سرير اضافي) في غرفة الفندق ٤ نجوم سعر الرحلة : 13,500 جنيه
‏‎-الاطفال اقل من سنتين بدون كرسي – سعر الطيران مخفض جدا بسعر الرضيع infant والبرنامج سياحي مجاني و السكن مجانا لتصبح سعر الرحلة : 4000 جنيه فقط
‏‎السعر يشمل الآتي:
‏‎- تذاكر الطيران الدولى بين مصر وتايلاند والعودة من ماليزيا الى مصر – (اتجاهين)
‏‎- تذاكر الطيران الدولي بين تايلاند وماليزيا.
 
‏‎- الانتقالات بين المطارات و الفنادق فى ماليزيا و تايلاند فى وسائل انتقال مريحة ومكيفة.
‏‎- الاقامة ” السكن ” طوال ايام الرحلة ( لمدة 10 ايام و 9 ليالي ).
‏‎- مشرفين و مرافقين معروفين فى مصر و ذوي خبرة كبيرة فى مجال السفر و رحلات تايلاند و ماليزيا طوال انشطة الرحلات والمزارات
 
‏‎السعر لا يشمل الآتي:
‏‎- البرنامج السياحي المقترح لجميع أيام الرحلة في تايلاند وماليزيا بتكلفة إضافية 3700 جنية مصري
‏‎- تكلفة البرنامج للاطفال ( 2 الى 11 سنة) 3000 جنية.
‏‎- تكلفة البرنامج للأطفال أقل من سنتين مجانا ( بدون كرسي في التنقلات )
‏‎- تأشيرة تايلاند وسعرها من السفارة 700 جنية
‏‎- أي أنشطة او وجبات او مشروبات غير مذكورة في البرنامج اعلاه
 
‏‎**** الاشتراك من خارج مصر ****
‏‎بالامكان الاشتراك من خارج مصر بعد خصم تكلقة تذاكر الطيران الدولية (من مصر الى تايلاند والعودة من ماليزيا). لذلك يتم تعديل اسعار الرحلة بخصم 8000 جنية من اسعار الرحلة المذكورة اعلاه.
‏‎**** سياسة الدفع ****
‏‎الحجز باسبقية دفع مقدم الحجز 6000 الاف جنية . و يجب تسديد الدفعة الاخيرة من قيمة اشتراك الرحلة وبرنامج الرحلات المراد الاشتراك فيه قبل ميعاد الرحلة بحد اقصي أسبوع قبل تاريخ السفر . سياسة الالغاء خصم 5 الاف جنيه من قيمة الحجز المدفوع في حالة الالغاء قبل تاريخ السفر ب 15 يوم. ولا يحق الالغاء قبل السفر ب ١٠ ايام .
‏‎قيمة الرحلة مقيمة بالجنية المصري والدولار سعره ١٧.٩٥.
‏‎**** طريقة التواصل والدفع ****
‏‎الدفع ممكن يتعمل باكثر من طريقة:
‏‎- دفع نقدي في مكتب شركة عالم انجاز “Enjaz” شركاء تنفيذ الرحلة- عنوانهم 92 ش مكرم عبيد – مدينة نصر – الدور الثالث.
‏‎- عن الطريق البنك “ اي فرع اوATM التابعين للبنك التجاري الدولي CIB
‏‎- او ممكن الدفع اونلاين من خلال اي بطاقة ائتمان) يتم اضافة 3.5% على المبلغ المدفوع باستخدام بطاقات الائتمان كمصاريف بنكية علي الكارت )
‏‎بيتم عمل ايصال استلام نقدية من الشركة مقابل مقدم الحجز المدفوع بأي من الطرق الموضحة.
‏‎**** اصدار تاشيرة تايلاند ****
‏‎سعر الرحلة لا يشمل تكلفة تاشيرة تايلاند (٧٠٠ جنية) وتاشيرة ماليزيا مجانا عند الوصول. مكتب شركة انجاز بامكانه المساعدة في اصدار تاشيرة تايلاند بدون الذهاب الى السفارة مقابل رسوم خدمة ٢٠٠ جنية بالاضافة الى ٧٠٠ جنية مصاريف التاشيرة.
بالامكان شحن الاوراق من المحافظات بخدمة ARAMEXبدون الحاجة الى زيارة المكتب شخصيا في القاهرة.
‏‎تأشيرة تايلاند مضمونة ١٠٠٪ ان شاء الله في حالة تقديم الاوراق المطلوبة :
‏‎- كشف حساب بنكى لاخر ٣ شهور يبقي بالانجليزى وفيه رصيد لا يقل عن 10,000 (عشرة آلاف) جنية للفرد الواحد. و لو عائله يكون الرصيد أكثر من 30 الف جنيه مصري
‏‎- ال HR” letter” بالانجليزى او سجل تجاري مترجم انجليزي ( بالإمكان المساعدة في الترجمة)
‏‎- لو طالب بيكون مطلوب اثبات قيد من الجامعة
‏‎- بالنسبه للمتزوجين لازم ياخدوا قسيمة الجواز حتى لو اسم الزوج مكتوب في الباسبور و تترجم للانجليزى والاطفال لازم شهادات الميلاد و تترجم للانجليزى
‏‎- صور حديثة حديثة حديثة – لازم تكون صور حديثة متصورة قبل التقديم مباشرة و غير صورة الباسبور لو كان تم اصداره قبل 6 أشهر

0

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec