02
Apr-2017

٥ خطوات علشان نلاقي أنسب هوستل بسهولة


تحدثنا مرارا وتكرارا عن الهوستلز – نزل الشباب المشركة – للاقامة. ناقشت قبل كدة في مقالة كاملة مميزات وعيوب الهوستلز وازاي نتغلب على مشاكلها. اقروا المقالة كلها في اللينك ده قبل ما تكملوا قراءة المقالة دي. 

اكتشفت مؤخرا اني اصبحت افضل موقع وتطبيق واحد لايجاد ارخص وافضل وانسب هوستل، الا وهو  Hostel World علشان امكانية عمل “المقارنات” …. يعني ايه؟

اول ما تيجي تبحث عن اي هوستل في اي مدينة، بتفتح وتقعد تتفرج على صور كل واحد وتشوف اسعاره والخدمات الموجودة الي فيه وتفضل تتنطط من واحد للتاني والتالت لحد العاشر. انا شخصيا بيطلع عيني في المقارانات لحد ما الاقي المناسب … لان مش بالضرورة الارخص هو المناسب. هعرفكم الخطوات الي بعملها علشان الاقي احسن حاجة.

الفلاتر المهمة قبل البحث

بعد ما تحدد مواعيدك والبلد الي هتسافرها، هتلاقي عشرات وعشرات من الاختيارات – اعمل الخطوات علشان تختار “الفلاتر” Filters المهمة قبل ما ترتب نتائج البحث بتاعتك:

١- اختار الحدود السعرية لسعر السرير. لان مش معنى انك على hostel world يبقى كله هوستلز رخيصة، لان في هوستلز غالية جدا. كمان اصبح الموقع دلوقتي كمان بحط فنادق وشقق. لا تسألني عن السبب. اختار مثلا حد اقصى ٢٠ دولار.

٢- اختار نوع الغرف المتاحة. يعني ايه؟ مش الهوستلز دي غرف جماعية Dorms ؟؟ – بعض الهوستلز بتقدم كمان غرف خاصة لفرد او فردين، ولكن حمامها بيكون مشترك. بتكون اختيار متاح للي مش عايز ينام في غرفة مشتركة، ومعندوش مانع من استخدام حمام مشترك، وعايز يعيش جو الهوستلز من مقابلة سائحين اخرين وكدة. هتلاقي single rooms و double rooms متاحين في بعض الاماكن.

لو انتي بنت وعايزة تجربي الهوستلز، هتلاقي اوبشن كمان Female Dorms – غرف مشتركة للبنات بس. ولو حضرتك ولد وبتتكسف يكون معاك بنات في الاوضة، ممكن تلاقي Male Dorms فقط.

٣- اختيار الامكانيات والخدمات المتاحة في الهوستل. لما توصل للحتة دي هتلاقي عندك ٤٢ اختيار ممكن تعلم عليه. طبعا لازم تكون عارف انك كل ما هتختار حاجات اكتر، كل ما نتائج البحث بتقل علشان هتكون بتدور على ابرة في كومة قش. هقولكم على اهمية كل اختيار منهم من وجهة نظري:

-24 Hours Reception – دي مهمة لما وصولك للهوستل هيكون في مواعيد متأخرة جدا او بدري جدا . مرة نمت في الشارع امام هوستل في ايطاليا ٦ ساعات منتظر وصول موظف الاستقبال علشان يفتح لي الباب.

– Security Lockers – علشان تعين الشنطة بتاعتك او الحاجات الثمينة الي معاك وتقفل عليها بالقفل بتاعك.

– Self-Catering Facilities – ودي بتهمني اوي لو انا عايز اوفر واطبخ فطار و غذاء او عشاء في المكان الي قاعد فيه. كنت بختار الاوبشن ده دائما وبعدين اوصل الهوستل الاقي براد شاي بس ومفيش حاجات تانية غير دولاب خشب فاضي. اكتشفت بقى ان لو حد حاطط براد شاي ممكن يقول في توصيف المكان ان عنده Self-Catering Facilities – وبعدين اكتشفت النقطة الجاية.

– Cooker / Fridge/Freezer – بوتاجاز وتلاجة يعني من الآخر علشان يكون في مطبخ وادوات صالحة للاستخدام والطبخ. لما بتفرج على صور المكان، بيهمني صور المطبخ قبل صور الاوضة والسرير.

– في هوستلز كتير مفيهاش مطابخ احيانا، ممكن تختار اوبشن انه يكون بالفطار على الاقل includes breakfast

– Air Conditioning – لو مسافر بلد حر في شرق اسيا مثلا – اتأكد ان المكان فيه تكييف مش مراوح فقط. لو رايح مكان في الشتاء في اوروبا هتلاقي دفايات، لاني دي حاجة اساسية في اوروبا بدون سؤال.

–  …. كمل قراءة في الخدمات والكماليات المتاحة والي انت عايزها واختار المناسب منها بعناية.

٤- التقييم من ١ (الأسوأ) لحد ١٠ (الافضل). مش لازم تختار ٩.٥ من ١٠ علشان يكون المكان كويس. ممكن من اول تقييم ٧ يكون كويس. لو حصرت نفسك في العالي هيكون اغلى.

ننتقل بقى لاهم خطوة …. المقارنات 🙂

قارن بين نتائج البحث

بعد ما تستخدم الفلاتر، هيطلع لك نتائج بحث كتيرة. رتبهم بالارخص وابدأ اقرا تفاصيل وشوف صور بتاعت كل مكان. شوف كمان نتائج البحث على الخريطة علشان تبقى عارف المناطق السياحية الي الهوستلز متجمعة فيها فين … MAP من اهم طرق البحث علشان نشوف اماكن جميع الهوستلز.

للأسف هتلاقي نفسك بعد شوية توهت متلخبط بين النتايج ومش عرف مين فين وبكام وفيه ايه.

اخيرا اكتشفت الحل من كام اسبوع كدة – هتلاقي تحت كل نتيجة بحث عندك كلمة “قارن بين ٥”  – (Compare (0 of 5 . تبدأ تختار خمسة اماكن من الي عجبتك وتدوس comapre.

جدول مقارنات ممتاز

هتلاقي جدول مقارنة بين الخمس الاماكن الي انت اختارتهم بيوضح الاسعار والخدمات الموجودة في كل واحد بشكل مريح جدا للعين. هيقولك كل مكان يبعد كام كيلومتر عن وسط البلد وتقييمه كام وحاجات تانية كتير. لازم تدوس على show more علشان تشوف جميع المقارنات بينهم. في الاخر كمان هتلاقي خريطة للمدينة موضح عليها اماكن الهوستلز. قارن بين ٥ او ١٠ على مرتين واختار الي يناسبك في الاخر.

5

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec