21
May-2016

Breaking the ticket – ازاي توفر في تذاكر الطيران للبلاد البعيدة

Breaking (1)

أي مكان يخطر على بالك على الكرة الارضية ممكن توصله النهاردة بالطيران الغير مباشر. الترانزيت. يعني تركب طيارتين او تلاتة علشان توصل اي مدينة في اي حتة في العالم. بس طبعا كل حاجة وليها تمنها. لو مكان بعيد اوي، هتلاقي تذكرته غالية. شئ طبيعي. لكن هل في طريقة ان احنا نوفر شوية في تذاكر الطيران دي؟

في استراتيجية انا بستخدمها كتير وانا بدور على تذاكر الطيران اسمها  breaking the ticket

يعني انت لو عايز تروح الصيف ده Ibiza مثلا في اسبانيا، ممكن تلاقي تذكرة من القاهرة لابيزا عن طريق ترانزيت مرة او مرتين، في حدود ال٥٠٠ الى ٦٠٠ دولار على الطيران الايطالي او الالماني Alitalia or Lufthansa  …. دي تذكرة واحدة، حتى لو هتعمل ترانزيت مرة او مرتين.

الطريقة التانية الي انا بقترحها عليك هي انك تقسم التذكرة تذكرتين. ازاي؟

١- دور على تذكرة طيران رخيصة الى ابيزا من مدن اسبانية كبيرة، مدريد و برشلونة مثلا ….. هتلاقي تذكرة  budget airline من برشلونة ب٤٣ دولار.

٢- دور على تذكرة رخيصة من القاهرة الى برشلونة …  هتكون مثلا في حدود ال٣٥٠ دولار على الطيران الايطالي

يبقي ممكن توفر ١٠٠ او ٢٠٠ دولار في التذكرة علشان قسمتها لاكتر من تذكرة.

  • واحد صاحبي مسافر بلد في روسيا اسمها Novosibrisk. ارخص تذكرة كانت على الاماراتية بحوالي ٧٢٥ دولار. لما طبقنا الاستراتيجية، لقينا تذكرة من القاهرة لموسكو بحوالي ٣٦٠ دولار، وطيارة تانية من موسكو لحد NOVOSIBRISK  بحوالي ٢٠٠ دولار. يعني وفرت معاه حوالي ١٦٥ دولار.

Screenshot_20160521-105246 Screenshot_20160521-105424 Screenshot_20160521-105520

  • لو رايح ميامي في امريكا، ممكن تسافر الى واشنطن ولا نيويورك الاول، ومن هناك تاخد طيارة لميامي، ممكن هتوفر معاك ١٠٠ او ٢٠٠ دولار.

الامثلة كتيرة اوي، خصوصا لو رايح بلد مش العاصمة او بلد مش ذات تبادل سياحي كبير معانا. يبقى قبل ما تدور على تذكرتك بشكل مباشر، جرب كذا موقع وكذا تركيبة تذاكر مع بعضها، يمكن تلاقي طريقة توفر بيها شوية.

مفيش حلاوة من غير نار طبعا ….. عيوب الموضوع ده ايه ؟؟؟؟

١- انك لازم تاخد بالك من مطارات الوصول والمغادرة. يعني ممكن توصل من القاهرة لبرشلونة على مطار، وتلاقي تذكرة برشلونة لايبيزا من مطار تاني خالص، وتلاقي نفسك هتضيع وقت كتير وفلوس علشان توصل المطار التاني.

٢- استلام شنطك بيبقى مرتين. بتستلم الشنط في برشلونة الاول. ويعدين بتستلمها تاني في ايبيزا.

٣- قد تكون كل شركة طيران ليها policy مختلفة في موضوع الشنط. يعني شركة تقولك ليك مجانا شنطة و hand bag و شركة تانية تقولك ليك hand bag فقط.

٤- لازم تركز في مواعيد الوصول والمغادرة بتاعت كل طيارة. يعني لو طيارة برشلونة هتوصل ٢ الضهر، لازم طيارة ابيزا تكون بتطلع بعدها ب٣ او ٤ ساعات، علشان يكون عندك وقت تلحقها.

المقالة دي جزء من عدة مقالات وفيديوهات نزلتها علشان نلاقي تذاكر طيران رخيصة. اللينك ده فيه كل حاجة انا قولتها بخصوص تذاكر الطيران.   

 

1

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec