25
Mar-2017

ازاي تشتري تذكرة طيران اونلاين من غير كريدت كارد

ناس كتير لحد النهاردة لسه عندها تخوف من استخدام الكريدت كارد في عمليات الشراء او الحجز اونلاين، تخوفا من السرقة او القرصنة …. او ناس تانية اكتر مالهاش في وجع الدماغ بتاع البنوك والكروت وتحب تتعامل بمبدأ الكاش في كل تعاملتها. ازاي بقى ممكن نلاقي تذاكر رخيصة ونشتريها من غير ما نستخدم الكريدت كارد.

حجز التذكرة والدفع لاحقا

شركات طيران زي مصر للطيران والتركية والقطرية بتوفر خدمة الحجز دلوقتي وبعدين الدفع لاحقا Pay Later. لو لقيت عليهم ارخص تذاكر طيران، احجز عليهم وممكن الدفع من خلال مكاتبهم مباشرة او من خلال خدمة فوري المتوفرة في كل مكان دلوقتي. طيب لو التذكرة الانسب والارخص مش على المواقع دي، نعمل ايه؟

موقع شركة Flyin

شركة فلاي ان بدأت تقديم خدماتها في السوق المصري في ٢٠١٧، بعد تواجد استمر سنين في دول الخليج. من اهم الخدمات الي بتقدمها الشركة هي امكانية حجز تذاكر طيران مع اي شركة في العالم والدفع لاحقا من خلال خدمات “فوري” او قريبا خدمة جديدة اسمها “Bee” … متوفرين في كل مكان دلوقتي.

بعد ما تستخدم محركات البحث المتعددة علشان تلاقي ارخص وانسب تذكرة، شوف سعرها على موقع Flyin وهتلاقيها بنفس السعر او ارخص كمان، وهتقدر تشتريها من غير كريدت كارد خالص. ارجعوا لمقالاتي وفيدوهاتي الكتييييير بخصوص تذاكر الطيران في اللينك ده.

مميزات اخرى لموقع Flyin

– خدمة عملاء ٢٤ ساعة – قبل وبعد البيع. الاتصال بيكون عن طريق رقم محلي 19679 وبيردوا عليك بالعربي وبدون انتظار كتير. انتظروا مقالة قريبا عن اهواااااال خدمة العملاء لشركات الطيران المختلقة وايه المواقف الي بتحتاج فيها خدمة عملاء قبل وبعد شراء التذكرة.

– الدفع بكون بالجنية المصري مش بالعملة الاجنبية. حتى لو هتدفع بالكريدت كارد اونلاين، ف مصاريف تدبير عملة اجنبية من البنك في حدود ٤٪ – ٦٪ لاي شراء بالدولار. فانت باستخدامك موقع Flyin هتوفر ٤-٦٪ من ثمن التذكرة علشان وفرت عمولة تدبير دولار. لما تعمل مقارنة بين Flyin ومواقع الطيران الاخرى بالدولار، احسب عمولة التدبير الي البنك هياخدها منك علشان تكون المقارنة عادلة.

هل في طرق تانية ممكن نحجز بيها من غير استخدام الكريدت كارد؟ اكتبولي في التعليقات 🙂

6

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec