photostudio_1479273922874

تنبيه

اسعار التذاكر في screen shots المقالة دي في شهري يناير ومارس ٢٠١٧، تذكرة اتجاه واحد فقط. الاتجاهين غالبا بتكون الضعف او اقل. الاسعار هنا استرشادية فقط. اذهب لموقع مصر للطيران لمعرفة الاسعار الصحيحة في الاوقات المناسبة ليك.

تذكرة جديدة

بعد تعويم الجنية وقفز اسعار التذاكر الى مستويات قياسية، مصر للطيران عملت عروض جديدة علشان تحاول تخفض اسعار التذاكر شوية. التذكرة الاقتصادية كانت ٤ مستويات قبل كدة: Best Offer, Good Deal, Fully Flex, Platinum

الفروق بين الدرجات الاقتصادية المختلفة بتكون معظمها في الاميال المضافة لكارت الاميال الخاص بشركة مصر للطيران وتحالف ستار، والفرق التاني بخصوص المرونة في تغيير او الغاء التذاكر. حاجات مش مهمة اوي للمسافرين الاقتصاديين زيينا.

الجديد بقى ان مصر للطيران ننزلت درجة تذاكر جديدة ارخص اسمها Best Buy، والي بتسمح بشنطة سفر واحدة فقط وزنها ٢٣ كيلو بدلا من ارخص تذكرة سابقا Best Offer والي بتسمح بشنطتين وزن كل واحدة ٢٣ كيلو. ارخص قد ايه؟ اصبر وهتعرف.

الجدول الي تحت موضح الفروقات بين الدرجات المختلفة للتذكرة الاقتصادية. مميزات كل واحدة مكتوبة في الجدول لعمل مقارنة بينهم. السطر قبل الاخير موضح موضوع الشنطة ووزنها.

cairo-rome-cheap-ticket

ازاي شركات الطيران بتكسب من حمولة قليلة؟

ليه الشركة تعمل تخفيض على التذاكر الي من غير شنطتين؟ او من غير شنط خالص زي اوروبا؟ شركات الطيران الاوروبية الرخيصة بتسمح بشنطة هاندباج فقط وتبيع تذاكر رخيصة جدا، عشان شركة الطيران  بتستغل الحمولة بتاعت الطيارة في الشحن الجوي للبضائع. يعني بدل حضرتك ما تسافر معاك شنطتين سفر، هم بيبيعوا الوزن ده لشركات شحن جوي تشحن بضائع على الطيارة رايح راجع. وده بيسمح لها تعمل مكسب من الرحلة، لان تذكرة طيران ب٢٠ يورو بين اي مكانين في اوروبا ما تجبش حق الشاي الي هيشربه الطيار في الرحلة.

اسعار تذاكر مصر للطيران انخفضت فعلا؟

انا لما سمعت الخبر فرحت وقولت برافو انهم بيحاولوا يخفضوا اسعار التذاكر شوية، وقولت ادخل اشوف ايه الحكاية وعندي امل اسعار التذاكر ترخص شوية. دورت على اسعار بعض التذاكر للوجهات المختلفة. وجدت بعض المفاجآت السارة والغير سارة ايضآ. نبدا بالاخبار المحبطة الاول:

تذاكر اوروبا

للأسف تراوحت التخفيضات على اسعار تذاكر اوروبا من ٪١٠ الى ١٢٪ – انا جربت كذا بلد مشهورة سياحيا ولقيت اسعار التذاكر اتجاه واحد في الحدود دي (اضرب في اتنين علشان تعرف رايح جاي هتكون في حدود كام) – الاسعار هنا علشان نعرف نسبة التخفيض فقط. (ابعتولي screen shot لو لقيتوا تخفيضات اعلى)

روما

cairo-rome-cheap-ticket

برشلونة

cairo-bareclona-discounted-ticket

باريس

cairo-paris-discounted-ticket

 وللأسف بعض رحلات الرجوع مش متوفر عليها الدرجة دي. مفيش الدرجة دي من برشلونة الى القاهرة في شهر مارس ٢٠١٧ مثلا: 

not-available-discounted-ticket

البلاد البعيدة غربا – امريكا

التخفيض على رحلة القاهرة نيويورك عليها تخفيض لا يذكر –  ١٪ فقط!!

cairo-new-york-discount-ticket

البلاد القريبة – لبنان

التخفيض كان ضئيل جدا ولا يتعدى ٣٪ للأسف!!

cairo-beirut-discount-ticket

اخيرا الاخبار الجيدة – Good NEWS

البلاد البعيدة شرقا – آسيا

من الواضح ان حركة التبادل التجاري مع آسيا اعلى من اوروبا وامريكا، ومصر للطيران قدرت تعمل هامش ربح من الشحن الجوي، وده خلاها تعمل تخفيضات حلوة جدا على الدرجة الاقتصادية الجديدة تتراوح من ٢٠٪ الى ٥٠٪ كمان.

تايلاند

التخفيض على تذكرة القاهرة بانكوك – رايح راجع ٢٠٪ و٢٢٪  – حوالي ٥٠٠٠ جنية بدلا من ٦٣٠٠ جنية

cairo-bangkok-discounted-ticket bangkok-cairo-discount-ticket

الهند

كذلك التخفيض على تذكرة القاهرة مومباي – رايح راجع ٢٠٪ و٢٢٪  – حوالي ٣٧٠٠ جنية بدلا من ٤٧٠٠ جنية

cairo-india-discount-ticketindia-cairo-discounted-tickets الصين

الرابح الاكبر في التخفيضات دي كانت تذكرة الصين – تخفيض على القاهرة بكين – رايح راجع –  ٤٢٪ ، ٤٥٪ – يعني التذكرة ب٥٥٠٠ جنية بدلا من ٩٥٠٠ – رقم ضغم جدا.
cairo-china-discounted-ticket

china-egypt-ticket-discount

في النهاية نشكر مصر للطيران على محاولاتها تخفيض التذاكر، الي هيستفيد بيها الي رايحين آسيا قريبا – لكن للآسف التخفيض على اسعار اوروبا قليل جدا. ممكن نقترح عليهم يعملوا تذكرة من غير شنطة سفر خالص، هاند باج فقط، زي شركات Easy Jet مثلا ،ويعملوا تخفيض ٣٠٪ مثلا؟

الي مسافر قريب يلحق يشتري تذاكر من المخفضة قبل ما تخلص، علشان غالبا مش هتكون متاحة طول الوقت. لو لقيتوا تذاكر عليها تخفيضات مختلفة، ابعتولي screen shot  علشان اعمل تحديث للمقالة.

لو ملقتش تذاكر رخيصة على مصر للطيران، اتفرج هنا على مقالات وفيديوهات كتيرة هتعلمك ازاي تلاقي ارخص تذاكر.

6

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec