23
Jul-2016

تذاكر الطيران للأطفال

kids tickets

السفر العائلي طبعا مكلف لاي اسرة، خصوصا لو معاك اطفال كتير. لكن تذاكر الطيران للاطفال ليها بعض التخفيضات على حسب اعمارهم.

لما تيجي تعمل بحث عن تذاكر طيران في اي من مواقع البحث، skyscanner مثلا، هيطلب منك عدد وأعمار الركاب:  ADult بالغين اكبر من ١٢ سنة، children اطفال تحت ١٢ سنة، او  infants اطفال رضع تحت عمر سنتين:

kids flight tickets 1

  • نقدر نلخص تذاكر الاطفال في النقاط دي:

  • – القاعدة العامة للأطفال الرضع الاقل من سنتين بيكون عليها تخفيض قيمته ٧٥٪ من ثمن التذكرة للبالغين، ولكن بدون كرسي. يعني لو الطيارة مليانة ومافيهاش كرسي فاضي، الرضيع هيفضل على رجل الام او الاب طول الرحلة. احيانا بتبقى الطيارة فيها كراسي فاضية، وممكن انك تقعده عليه.

  • – السعر بيختلف من شركة طيران لأخرى. انا عملت تجربة على عدة رحلات على شركات طيران مختلفة والارقام بتختلف شوية. اكبر نسبة تخفيض كانت ٨٦٪ واقل نسبة كانت ٧٢٪ من ثمن تذكرة البالغ.

  • – تذكرة الاطفال تحت سن ١٢ سنة بيكون عليها تخفيض في حدود ٢٣٪ من ثمن تذكرة البالغ، وبيكون ليه كرسي منفصل لوحده طبعا. الارقام كمان بتختلف من شركة للتانية ومن رحلة للتانية.

  • بعض امثلة التذاكر الي لقيتها على skyscanner من يوم ١ الى يوم ١٠ اكتوبر:

tickets from excel sheet

  • نتائج البحث بتطلع سعر التذكرة للراكب الواحد، وكتوب تحتها مجموع سعر التذاكر كله:

  • adult price 1
  • adult + infant ticketadult + child ticket
  • ولكن لازم تاخد بالك من القواعد المهمة دي:

  • – تذكرة رضيع واحدة فقط متاحة لكل تذكرة بالغ. يعني لو انتي أم مسافرة لوحدك معاكي ولدين تؤام مثلا عمرهم اقل من سنتين، هتقدري تشتري تذكرة مخفضة لرضيع واحد فقط، والرضيع الثاني لازم يشتري تذكرة اطفال علشان يكون ليه كرسي. لانه ما ينفعش رضيعين يقعدوا معاكي على نفس الكرسي.

  • – لازم يكون عمر الرضيع اقل من سنتين عند نهاية رحلة الرجوع. يعني لو هو النهاردة عمره اقل من سنتين، و وقت السفر كان عمره اكبر من سنتين، هتكون كده تذكرة طفل مش رضيع.

  • – لو الرضيع وقت رحلة الذهاب كان عمره اقل من سنتين ووقت رحلة الرجوع كان عمره اكبر من سنتين، كدة يبقى نص التذكرة بسعر الرضيع والنص التاني بسعر الطفل. التذكرة دي تحجزها من شركة الطيران نفسها مش هتعرف تحجزها اونلاين

  • – لازم يكون عمر الطفل اقل من ١٢ سنة عند نهاية رحلة الرجوع. يعني لو هو النهاردة عمره اقل من ١٢ سنة، و وقت السفر كان عمره اكبر من ١٢ سنة، هتكون كده تذكرة بالغ مش طفل.

  • – لو الطفل وقت رحلة الذهاب كان عمره اقل من ١٢ سنة ووقت رحلة الرجوع كان عمره اكبر من ١٢ سنة، كدة يبقى نص التذكرة بسعر الطفل والنص التاني بسعر البالغ. التذكرة دي كمان تحجزها من شركة الطيران نفسها مش هتعرف تحجزها اونلاين.

    – بعض شركات الطيران بتقدم خدمة مرافقة اطفال في حالة عدم وجود مرافق بالغ. ممكن تطلبها وتحجزها من شركة الطيران.

5

 likes / 2 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec