31
Mar-2018

سافر النهاردة وادفع بكرة مع فلاي ان

حيث ان تذكرة الطيران عادة تمثل اكتر من ٥٠٪ من ميزانية السفر الى مكان حول العالم، دائما اسعار التذاكر الغالية بتكون عائق مادي لاي حد بيفكر يسافر بدون ما يكون محوش فلوس كفاية للسفرية بتاعته. لو انت مسرف ومش بتعرف تحوش، عندي ليك اقتراح عملي جدا.

لحسن الحظ موقع فلاي ان Flyin عمل تعاقدات مع عدة بنوك مصرية علشان تقدم خدمة التقسيط لثمن تذاكر الطيران وكمان حجز الفنادق. كل المطلوب منك تدور على انسب تذكرة طيران وفندق موجودين على الموقع بتاع فلاي ان، ولما توصل صفحة الدفع هتلاقي قدامك اختيارات متعددة للدفع الكاش، الكريديت كارد، واخيرا خدمة التقسيط مع احدي البنوك المصرية.

لازم تكون عميل للبنك

الشرط الوحيد علشان تقدر تقسط اي خدمة سياحية من موقع فلاي ان (تذاكر طيران او حجز فندق) ان يكون عندك حساب شخصي وحد ائتماني يمكن استخدامه من خلال احدى بطاقات الائتمان المصدرة من احد البنوك الآتية:

  •  البنك التجاري الدولي CIB
  • بنك المشرق – Mashreq Bank
  • بنك الامارات دبي الوطني – Emirates NBD
  • التجاري وفا بنك – Attijari Wafa Bank
  • المزيد من البنوك متاحة قريبا!

يعني لو انت عميل في البنك التجاري الدولي CIB وعندك كريديت كارد ب١٠٠٠٠ جنية، تقدر تطلب خدمة التقسيط من موقع فلاي بقيمة ٩٩٩٩ جنية ان ولن يتم المساس بالحد الائتماني الخاص ببطاقتك الائتمانية المصدرة من البنك. بالامكان تقسيط ثمن  تذكرة الطيران على ٦ شهور وحتى ٣٦ شهر كمان. بيتم حساب الفوائد البنكية مع البنك مباشرة وابلاغك بقيمة القسط المطلوب سداده. (الرجاء مكالمة البنك للاستفسار عن تفاصيل التنفيذ).

القسط الشهري كام؟

الموقع كمان بيساعدك تحسب قيمة الاقساط على حسب مدة التقسيط المطلوبة. كل ما مدة التقسيط تزيد، كل ما القيمة الاجمالية للتذكرة هتكون اعلى ولكن قيمة القسط هتكون بكل تأكيد اقل.

نصيحة للمبذرين

يعني بدل ما تروح تاخد قرض شخصي من البنك علشان تسافر وبعدين تلاقي نفسك صرفت فلوسه في حاجات تانية، ممكن تدخل على موقع فلاي ان وتحجز طيرانك وفندقك وتطلب خدمة التقسيط عند الدفع وتقسط ثمن الرحلة على المدة الي تناسبك.

نصيحة شخصية انكم تقسطوا على اقل فترة ممكنة وتطلعوا الرحلة بتاعتكم بعد ما تكونوا خلصتوا جزء كبير من الاقساط بتاعتها. هتحسوا ساعتها بسعادة اكبر بكتير من انك تطلع الرحلة دلوقتي وبعدين ترجعوا تدفعوا ثمنها لما ترجعوا 🙂

ده رأي شخصي طبعا. لكن لو حد عايز يسافر قريب ومش محوش فلوس كفاية، وعنده بطاقات ائتمانية ومش بيعرف يسددها اولا بأول، حل التقسيط ده هيكون مناسب ليه جدا

لو عندكم استفسارات اكتبوها في التعليقات وادخلوا على موقع فلاي ان وكلموهم على 19679

0

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec