16
Jul-2016

سافر تركيا وجورجيا في رحلة واحدة

Turkey (1)

من اشهر الاسئلة اليومين دول … اسافر فين بلاد قريبة ورخيصة وتأشيرتها سهلة؟ النهادرة جايب ليكوا مثال لرحلة مدتها اسبوعين في بلدين حلوين جدا وتأشيراتهم سهلة جدا كمان. تركيا وجورجيا. ليه انا حاططهم في رحلة واحدة، لان تذكرة الطيران لزيارة البلدين رخيصة، والاقامة كمان ومصاريف المعيشة قليلة. في اعتقادي انك ممكن بأقل من ٨٠٠ دولار ممكن تعمل الرحلة دي كلها. تعالوا نشوف:

١- الطيران من مطار شرم الشيخ الى اسطنبول على خطوط طيران Pegasus . التذكرة في حدود الالف جنية من ٢ ديسمبر حتى ١٥ ديسمبر. ممكن تغير في المواعيد شوية علشان تناسبك. الشهر ده والي بعده اسعارهم في الحدود دي.

sharm-istanbul

 ٢- بعد ما تقضي اسبوع في اسطنبول. تروح مطار صبيحة الدولي وتاخد طيارة للعاصمة الجورجية تبليسي يوم ٩ ديسمبر وترجع يوم ١٥ ديسمبر الصبح. تستنى في اسطنبول طيارة الرجوع الى القاهرة. التذكرة في حدود ال٨٠٠ جنية.

instanbul-tbilisi ticket

٣- الاقامة في اسطنبول رخيصة جدا وممكن تكون في حدود ال٥٠ جنية في اليوم. Hostel World عليه اختيارات كتيرة اوي.

istanbul hostel

٤- الاقامة في تبليسي كمان رخيصة وفي حدود ال٧٠ جنية في الليلة. Hostel World عليه اختيارات كتيرة اوي.

tbilisi hostel

٥- ممكن في اسطانبول تشتري كارت مدته ٣ ايام لزيارة كل معالم اسطنبول السياحية، وسعره في حدود ال٢٥٠ جنية.

٦- مصاريف المعيشة في اسطنبول للمسافر المتوسط في حدود ال١٥٠ جنية (اكل،شرب،مواصلات). اللينك ده في تفاصيل المعيشة اليومية وباقي المصاريف الممكنة هناك. 

٧- مصاريف المعيشة في تبليسي للمسافر المتوسط في حدود ال٨٠ جنية (اكل،شرب،مواصلات). اللينك ده في تفاصيل المعيشة اليومية وباقي المصاريف الممكنة هناك. 

٨- تأشيرة تركيا لازم تكون متعددة Multiple Entry علشان انت هتدخل تركيا مرتين. تأشيرة جورجيا Single Entry. التأشيرتين سهلين جدا ونسب الرفض قليلة جدا. لازم يكون معاك تصريح امني للسفر الى تركيا. بيطلع من المجمع.

٩- هل ديسمبر وقت كويس لزيارة تركيا؟ ديسمبر هو فصل الشتاء في اوروبا ودرجة الحرارة هتكون في حدود ١٠ درجات وهيكون في تساقط امطار. هو هيكون جو مختلف بس حلو. معاك شمسية وجاكيت وهتعرف تتعامل. انا سافرت مع بنتي فرنسا و سويسرا في يناير من سنتين والجو كان ممتع رغم انه شتاء. السفر في المواسم الغير مزدحمة دائما بيكون ارخص بكتير.

١٠- هل ديسمبر وقت كويس لزيارة جورجيا؟ درجة الحرارة هتكون في حدود ال٧ درجات، بس المطرة هتكون قليلة.

2

 likes / 20 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec