03
Feb-2017

استكمالا لمقالة التخطيط لمواعيد السفر ونصائحها العشرة، والي تعتبر مهمة جدا للقراءة بعد ما تخلص المقالة دي، عايز اشاركم موقع اكتشفته حديثا للتوقعات الجوية لاغلب مدن العالم الرئيسية. الموقع اسمه Holiday Weather .com  …. من اسمه كده باين “جو الاجازة”.

الموقع بكل بساطة بتكتب له اسم المدينة الي انت عايز تعرف طقسها ايه، وبيطلع لك نتائج بحث بتفاصيل هايلة. بيكتبلك نبذة مختصرة عن حالة الجو والمواسم المهمة فيها، ولكن المهم فيه هى الارقااااااااام والرسومااااااااات

– بتكتب اسم المدينة الي عايز تروحها، او اقرب مدينة كبيرة ليها، وهيطلع ليك متوسط درجة الحرارة، وتوقع ٢٥ يوم، والمتوسطات السنوية ليها، والي تعتبر اهم حاجة في الموقع.

 اول حاجة محتاج تعرفها عن البلد هي متوسط درجات الحرارة باليل قبل النهار، لان في بلاد بتكون برد بالليل اكتر من النهار بكتير و تقدر تعمل حسابك في توضيب الشنطة بتاعتك.

 ثاني حاجة لازم تعرفها هي مواسم الامطار واحتمالاتها. الموقع بيديك متوسطات الامطار عن طريق حاجتين: ١) كام يوم في الشهر الامطار متوقعة ٢) كميات الامطار المتوقعة بالمليمتر في المتر المربع، والي بتعبر عن كثافة الامطار. يعني لو قدامك مكانين بتقارن بينهم والاتنين هيكون فيهم امطار، اختار المكان الي “كثافة” الامطار فيه اقل.

ثالث حاجة مهمة كمان، وخصوصا للناس الي بتحب التصوير، هي متوسط ساعات وجود الشمس. يعني بيقولك اليوم هيكون مغيم كام ساعة والشمس طالعة كام ساعة. طبعا ده بيتناسب عكسيا مع الامطار.

رابع حاجة، خصوصا في المدن الساحلية الي ناوي تنزل فيها البحر، هي درجات حرارة البحر، هل هتكون مناسبة للنزول ولا ساقعة. زي شرم الشيخ في مصر، الجو بيكون حلو ومشمس في يناير، ولكن درجة حرارة المية بتكون منخفضة.

الموقع بصراحة ممتاز لاي حد بيخطط لاجازة داخل او خارج مصر كمان. 

4

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec