Jan-2017
أرخص قطارات واتوبيسات اوروبا
من اكتر مواقع الاتوبيسات والقطارات الي استخدمتها في رحلتي الاوروبية في ٢٠١٦ هو موقع Goeuro لانه بيجيب نتائج بحث كتيرة لجميع الاختيارات المتاحة من قطارات، اتوبيسات، وحتى عربيات bla bla car …. بس للأسف في شركة مهمة لا يدرجها في نتائج البحث بتاعته.
اكتشفت مؤخرا ان في شركة قطارات واتوبيسات كبيرة ومهمة جدا لا يدرج موقع goeuro اختياراتها في نتائج البحث، الا وهي الشركة التشيكية Student Agencey – ٍRegiojet، والي بتغطي جزء كبير من شرق ووسط اوروبا انطلاقا من التشيك.
لا تنخدع باسم الشركة علشان اسمها Student Agent ، ممكن اي حد يركب قطاراتها واتوبيساتها. عندهم شبكة قطارات داخل التشيك وسلوفاكيا، وشبكة اتوبيسات تغطي اجزاء كتيرة من وسط وشرق اوروبا انطلاقا من التشيك.
هل دائما RegioJet احسن من Goeuro ؟
مش شرط دائما طبعا، ولكن احيانا هتلاقي عليها تذاكر ارخص. مثلا تذكرة برلين – براتسلافا على موقع Goeuro يوم ١٥ يناير ب٣٤ يورو لكن على موقع Reggiojet في نفس اليوم ب١٩ يورو، يعني ارخص ب١٥ يورو. دي شكل نتائج البحث في الموقعين:
الخلاصة
لو انت في هذا الجزء من اوروبا، ادخل على موقع Regiojet وشوف عليه تذاكر الاتوبيسات والقطارات للبلاد الاوروبية المحيطة. أحيانا هتلاقي عليه تذاكر ارخص من Goeuro. زي مواقع البحث على تذاكر الطيران، لازم تجرب اكتر من موقع بحث علشان تتأكد ان السعر ده هو احسن سعر وصلت له.