29
Mar-2016

تاشيرة اوروبا وامريكا للطلبة والعاطلين

تاشيرة اوروبا وامريكا للطلبة

جالي اسئلة كتير بخصوص لو انت طالب او عاطل عن العمل لسه، هل فيش امل خالص اني اطلع تاشيرة أوروبا او امريكا؟ …. اسمعوا حكايتي وانتوا تعرفوا 🙂

زي ما شرحت في الفيديو الي فات، ان اهم حاجة سفارات اوروبا وامريكا عايزة تتأكد منها خلال اجرئاتها المُعقدة، هي انك مش ناوي تسافر هناك وماترجعش بلدك تاني.

طلباتها المهمة جدا بتبقى جواب من شغلك يثبت وظيفتك ومرتبك، وكمان حساب البنك بتاعك الي بيوضح انك معاك فلوس طول ال٦شهور الي فاتوا. شرحتلكوا كمان في الفيديو ازاي نزبط الطلبات دي وباقي الحاجات الي عايزنها. طيب لو ان انا طالب او عاطل عن العمل لسه، بس معايا فلوس وعايز اسافر، اعمل ايه؟؟

انا هقولكوا على حركة صايعة عملتها وانا في ثالثة جامعة واخويا كان ساعتها في اولى جامعة. كنا عايزين نسافر سنة ٢٠٠٠ امريكا نزور خِلاني الي عايشين هناك بقالهم سنين، ونقضي اجازة الصيف هناك.

ساعتها كان كل ما اسمع عن شاب صغير زينا راح يقدم على امريكا، بيترفض…… فجاتلنا فكرة حلوة، بس مكلفة حبتين.
روحنا قدمنا على التاشيرة مع أبويا وأمي ربنا يديهم الصحة. هما شغالين وعندهم حسابات في البنوك وكدة، وانا ساعتها كنت صايع طبعا معنديش غير مصروفي. روحنا قدمنا ورقنا احنا الاربعة على اساس ان احنا عيلة مسافرة تتفسح مع بعضها في امريكا. وربنا كرمنا وكلنا اخدنا تاشيرة لمدة ٥ سنين (الطبيعي بتاع امريكا). انا واخويا سافرنا لوحدنا، وهم سافروا بعدها بسنين كتيرة.

فلو كان والد حضرتك ورقه كويس زي ما شرحت في الفيديو الي فات، وراضي عنك وعايزك تسافر، يبقى معندكش امل غير انه يساعدك بالطريقة دي. التكلفة هتكون كتيرة شوية، لانك هتدفع مصاريف فيزا لكل المتقدمين للتأشيرة. الي عايز “الدح” مايقولش “أح” بقى 🙂

انا اسف والله يا جماعة، مفيش طريقة تانية غير كدة. ربنا يكرمكوا وتشتغلوا وتحوشوا قرشين، وساعتها تمشوا على تعليمات الفيديو الي فات.

تأشيرة موفقة للجميع ان شاء الله

4

 likes / 2 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec