29
Mar-2016

مش معنى ان معاك تأشيرة امريكا يبقى معناه انك هتدخلها ١٠٠٪ ؟؟

AIRPORT (1)

انا اسف يا جماعة ان يكون اول حاجة اكتبها من امريكا تكون مربكة كدة، بس للاسف هي دي الحقيقة. للاسف الشديد مش معنى ان معاك تاشيرة امريكا يبقى بامكانك انك تدخل امريكا بنسبة ١٠٠٪. يعني ايه الكلام ده؟؟؟ القانون الامريكي بيدي الحق لسلطة الهجرة في المطارات انها ترفض دخول اي زائر اراضيها بالرغم من حصوله على التاشيرة الزيارة من سفارة امريكية من اي بلد.

“يعني ايه يا عم الكلام ده….دا انا اروح فيكوا في داهية … دا انا معايا تاشيرة ٥ سنين!!!”

لما وصلت امريكا من يومين، اتعملي interview من ضابط الجوازات في مطار شيكاغو، وكان فيه جميع انواع الاسئلة. الغلطة الي عملتها هي اني ذكرت ليه اني حاليا لا اعمل في وظيفة ثابتة. طبعا حاجة زي كدة رفعت عنده شكوك “الهجرة الغير شرعية”، خصوصا لما سألني قاعد قد ايه قولتله شهرين او تلاتة. موقفي تأزم جدا وابتدى سيل من الاسئلة. متجوز؟ مخلف؟ معاك فلوس قد ايه؟ هتعمل ايه في امريكا كل ده؟ معاك تذكرة عودة؟ وريهالي؟ حجز فندق؟ قاعد عند اخوك فين؟ بيشتغل ايه؟ بقاله قد ايه هنا؟ اعصار من الاسئلة. الحمدلله كنت مستعد للاجابات كلها. وصلت لاني وريته صفحة الفيسبوك بتاعتي علشان اثبت ليه اني travel blogger وجاي اكتب عن امريكا. وريته كمان اني معايا تاشيرات اوروبا واستراليا سارية، وكمان باسبوراتي القديمة الي مليانة اختام وتاشيرات لبلاد كتيرة اوي. كل ده علشان يقتنع اني بحب السفر واني فعلا travel blgger …. ده انا حتى وريته business card الجديد بتاعي. الحمدلله اني كان معايا تذكرة عودة، لاني فكرت في شراء تذكرة ذهاب فقط لاني مش عارف انا هرجع امتى بالزبط.

الدرس المستفاد. خليك جاهز وانت مسافر امريكا لاسئلة كتير. لانهم لو شكوا فيك انك مسافر ومش راجع، ممكن يرفضوا دخولك ويرحلوك على على بلدك. يعني لو رايح وناوي تخلع هناك، لازم تكون حافظ برنامج سياحي هتعمله هناك، يكون معاك تذكرة عودة،تقوله انك طبعا بتشتغل في مصر لو سألك، لازم تحسسه انك فعلا جاي زيارة وفقط.

وبالتوفيق لكل واحد عايز يطلع التاشيرة امريكا. يا ريت تشرفوا فيديوهات التاشيرات القديمة، موجودة على ال youtube channel – Amr Badawy Couch Traveler

2

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec