07
Oct-2016

ازاي تحجز طيران مؤكد وتلغيه ببلاش؟

%d8%ad%d8%ac%d8%b2-%d8%b7%d9%8a%d8%b1%d8%a7%d9%86-%d9%85%d9%88%d9%94%d9%83%d8%af

من متطلبات اي سفارة وقت تقديم الورق على التاشيرة حجز طيران بالمواعيد بتاعتك. الموضوع بيكون محير احيانا علشان مش عارفين نعمله حجز مؤكد وندفع فلوس؟ ولا نعمله حجز مبدئي علشان ما ندفعش فلوس؟ طيب انا عايز اسافر فعلا في المواعيد الي هقولها للسفارة، وخايف اسعار التذاكر تعلى، اشتري دلوقتي علشان تكون رخيصة؟ طيب لو اشتريت، ممكن التأشيرة تترفض ومعرفش ارجع التذكرة؟ ممكن ارجعها من غير ما اخسر فلوس؟

الموضوع كمان بيكون اكثر تعقيدا وقت التقديم لاوروبا، علشان اغلبنا بيقدم على تاشيرة فرنسا ولا المانيا او اي دولة اوروبية اخرى، وعايز يسافر ٤ بلاد مثلا في نفس الرحلة. بس لما نروح نقدم على التاشيرة، يفضل  تقديم تذكرة سفر الى البلد المصدرة للتأشيرة فقط.  واحيانا اخرى بنقدم على التأشيرة ومش عارفين مواعيد السفر بالزبط هتكون امتى.

١- الحجز المبدئي 

ده ممكن يتعمل اونلاين على كذا موقع لشركات الطيران. القطرية او التركية او مصرللطيران مثلا. بتعمل حجز وتعمل الدفع لاحقا. pay later. بس لما تطبع الحجز هيكون مكتوب عليه “غير مدفوع” – pedning

علشان كدة اسهل حاجة انك تروح اقرب شركة سياحة جنبك واطلب تذكرة “مضروبة” للتقديم على تأشيرة. الشركات عندها system حجوزات خاص بيها ومش بيكون باين عليه انه مضروب خالص. انا عملته ١٠٠ مرة ومشي في جميع السفارات. تكلفة الخدمة من ٣٠ الى ٥٠ جنية بالكتير.

٢- الحجز المؤكد

طيب لو انا عايز اعمل حجز فعلا من بدري اوي علشان الاسعار تكون كويسة، يكون مؤكد ومدفوع، بس خايف اني لا اوفق في الحصول على التاشيرة، واخسر فلوس في الحجز. اعملها ازاي؟

للأسف الشديد، لو اشتريت تذكرة طيران مؤكدة ومدفوعة بالكامل من اي شركة طيران او وكيل طيران اونلاين، ما تقدرش تغيرها او تلغيها وتسترد فلوسها من غير ما تدفع غرامة. تتراوح من ٥٠ الى ١٠٠ دولار مثلا. لازم وانت بتشتري التذكرة تقرأ الشروط بتاعتها كويس علشان تعرف الغرامات المرتبطة بشراء التذكرة. اقرا المقالة دي بخصوص الموضوع ده.

 

مصر للطيران هى الحل!!

 

الشركة الوحيدة الي اعرفها وممكن ترد لك ثمن التذكرة بالكامل في حالة “رفض التأشيرة فقط”، وبدون اي خصومات هي شركة مصر للطيران. بتقدم جواب الرفض الي لا قدر الله اخدته من السفارة، وبتسترد ثمن التذكرة بتاعتك كاملا. الكلام ده مكتوب في شروط التذكرة بتاعها. (الكلام لا ينطبق على تاشيرات للمجموعات، الحج، او العمرة)

للمزيد من المقالات عن تذاكر الطيران، ادخل هنا وهتلاقي اكتر من ١٠ مقالات عن الموضوع ده.

egyptair-refund-policy

6

 likes / 19 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec