22
Jul-2016

؟Freelancer إزاي أطلع تأشيرة وأنا

Freelancer

ممن أهم طلبات سفارات اوروبا وامريكا هي اثبات ان عندك وظيفة ومصدر دخل، وانك لا تنوي الهجرة الغير شرعية زي همام كدة و بيع البطاطس المحمرة في شوارع امستردام. طيب لو انا معنديش وظيفة ثابتة وشغال Freelancer مع نفسي مش في شركة، اثبت كدة ازاي؟ انا كمان معنديش مرتب شهري ثابت وعلى حسب الشغل بتاع كل شهر، اعمل ايه؟

انا شخصيا معنديش خبرة في الموضوع، بس عندي شوية اقتراحات ممكن تتعمل علشان نحاول نثبت للسفارة ان عندك وظيفة ومصدر دخل: 

– حاول انك تعمل “عقد تقديم خدمات” مع كل عميل يطلب منك خدمة. حاول تخلي العقود شكلها كويس، يعني تكون ممضية، عليها ختم الشركة، ختم صحة توقيع من بنك، اي نوع من انواع الاختام علشان يبقى شكلها حقيقي.

– ممكن تعمل عقود backdated مع العملاد السابقين بتوعك. يعني عقود تمت خلاص بتواريخ قديمة، علشان تقدم track record للشغل بتاعك.

– اقبض فلوسك من العملاء بتحويلات بنكية على حساب بنكي واحد او مقابل شيكات. وتعمل ايداع للشيك في حسابك البنكي للتحصيل. لو الدفع كاش، اعمله ايداع في البنك الاول قبل ما تصرف منه. كدة انت بتحاول تثبت انك عندك مصادر دخل من العملاء المؤقتين بتوعك بشكل مستمر.

– لو عرفت تعمل شركة تقديم خدمات مثلا وتعمل سجل تجاري وبطاقة ضريبية، يبقى كويس برضو. ممكن شركة على الورق يعني من غير مكاتب ولا بتاع. عنوانها عنوان بيتك وخلاص. وتعمل معاملاتك مع العملاء (عقود – استلام الفلوس)  من خلال الشركة دي.

– لو الشغل واقف والدنيا نايمة معاك، استلف من الحج مبلغ لطيف كدة، تفضل تعمله ايداع مرة كل شهر، وتسحبه على مدار الشهر. مرة ١٠ ومرة ١٢، وهكذا. علشان يبقى عندك كشف حساب شكله حلو وفيه رصيد في اخر كل شهر.

الموضوع ممكن ياخد منك شهور علشان يتعمل، بس لو عودت نفسك عليه، خلال ٦ شهور هيكون عندك كشف حساب فيه حركة ومعاك ورق بيقول انك بتشتغل freelancer

لازم تشوف نصائح التأشيرات التانية علشان تحسن فرصك في الحصول على التأشيرة

لكن تعالوا نبص على نص الكباية المليان، بالرغم من عدم وجود وظيفة ودخل ثابت، الا ان احد اهم مميزات العمل Freelancer ، والي خلاني اسيب الوظيفة بتاعتي واحاول اشتغل freelancer, هي انك ممكن تشتغل من اي مكان في العالم. يعني ممكن تسافر شهر وشهرين وتلاتة تعيش في اي بلد رخيصة في جنوب شرق اسيا مثلا وتشتغل اونلاين مع العملاء بتوعك.

1

 likes / 7 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec