15
Nov-2016

تحديث: الحد الأدنى لكشف حساب البنك

photostudio_1479050121838

بعد قرار تعويم الجنية رسميا، السفارات بقى ليها متطلبات مختلفة بالنسبة لكشف حساب البنك. انا شخصيا معرفش هل باقي السفارات بتطلب رقم معين ولا سايبة الموضوع “عايم” زي قبل كدة.

على العموم الرسالة دي وصلت لاحد الاصدقاء المتقدمين للحصول على تأشيرة شنجن من سفارة المجر:

Dear Applicant, Dear Travel Agency,
Greetings from Hungary visa application center,
We would like to inform you that there is an update regarding the bank statement, starting from today the bank account’s closing balance should be at least 25.000 EGP/person instead of 10.000 EGP
(for the students who are under the age of 18, we would need a bank statement from one of their parents, and letter from the parents that they are willing to cover the costs for the child).

“الحد الأدنى في الحساب البنكي وقت التقديم يكون ٢٥ الف جنية بدلا من ١٠ الاف جنية. الطلبة الاقل من ١٨ سنة، يقدموا كشف حساب احد الوالدين مع جواب منه بنيتهم تغطية نفقات رحلة ابنهم/بنتهم”

طيب هل مطلوب منى احط مبلغ ٢٥ الف جنية في الحساب قبل ما اطبع الحساب بيومين؟ انا لا انصح بذلك الصراحة، علشان هتكون مفقوسة اوي انك مستلف الفلوس دي. ممكن تقرا باقي المقالة علشان تعرف تعملها ازاي بطريقة تكون مقبولة عند السفارة.

ازاي نعمل كشف حساب بنكي؟

في مقالة قبل كدة، كنت شرحت ان من احد اهم طلبات السفارة هي كشف حساب بنكي الخاص بالمرتب الشهري بتاعك، علشان ده بيثبت انك موظف وعندك دخل شهري ثابت …. “طيب افرض انا عليا قروض وجمعيات وبخلص مرتبي كل شهر؟ شكل كشف الحساب هيكون وحش وانا مقدمه فاضي كده؟ طيب استلف ٢٠ ولا ٣٠ الف من امي ولا ابويا ولا اقبض الجمعية بدري واحط الفلوس قبل ما اطبع كشف الحساب؟” …. غلط!!!

لو سمحت استلف المبلغ ده او اقبض الجمعية دي قبل ما تطبع كشف الحساب ب ٦ شهور، علشان لما تطبع كشف الحساب، يبان ان فيه فائض شهري من الفلوس هتصرفه على السفرية دي.

ممكن كمان تقدم كشف حساب كروت الائتمان بتاعتك لو فيها حركة شهرية كتير. بتكون دليل على انك مقتدر ماديا والفلوس معاك رايحة جاية.

طبعا ممكن تقدم حسابات توفير في البديد او بنوك تانية. ودائع بنكية في اي بنك آخر.

طيب لو مرتبك الشهري قليل، بس عندك فلوس في حسابات شخصية تانية، تعمل ايه؟ ….. ممكن تعمل ايداعات شهرية منتظمة في نفس تاريخ مرتبك. يعني مثلا المرتب ٢٠٠٠ جنية في الشهر، اعمل ايداع ب٥٠٠٠ مثلا في نفس تاريخ نزول مرتبك. لما تعمل المقابلة وحد سألك في السفارة، قول ان مرتبك مثلا جزء ثابت وجزء متغير بينزل منفصل كل شهر. كدة يبان ان في دخل شهري بمبلغ ٧٠٠٠ جنية مثلا. برضو الكلام ده تعمله لمدة ٦ شهور. اهم حاجة ان الحساب يكون فيه حركة سحب كمان علشان يكون شكله حلو.

لو انت طالب او عاطل، قدم كشف حساب والدك ووالدتك. حسابات جارية، حسابات توفير، ودائع بنكية، ان شاء الله حتى شهادات قناة السويس. اي مستندات بتثبت بيها انك مقتدر ماديا.

في مقالة كاملة عن جميع خطوات تاشيرة اوروبا، لو سمحتوا اقروها من اللينك ده

18

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec