11
Aug-2018

الرحلة الرابعة – المغرب – يناير ٢٠١٩

Uncategorized   /  

** الرحلة الرابعة الى المغرب – اجازة نص السنة يناير ٢٠١٩ **

الحمدلله رحلتنا للمغرب اصبحت من الرحلات الجماعية الى عليها طلب مستمر بعد ما عملناها ٣ رحلات في ٢٠١٨. المرة دي الرابعة ان شاء الله وهتكون من ١٨ الى ٢٦ يناير ٢٠١٩.

تكلفة الرحلة ١٢٥٠٠ جنية – شاملة طيران واقامة فنادق بالافطار والانتقالات – الاهم بقى هو البرنامج السياحي طول ال٩ ايام لجميع المزارات والانشطة – والي هنزور من خلاله اكتر من ٦ مدن مغربية في Road Trip مش هتنسوها ابدا خصوصا في شتاء المغرب الساحرة. البرنامج تكلفته ٤٥٠٠ جنية شامل جميع الانشطة والمزارات والانتقالات المرافقة لينا ٢٤ ساعة. الرحلة مناسبة لجميع الاعمار، ما عدا الاطفال حديثي الولادة بالتأكيد.

الرحلة بالتعاون مع شركة Travel SAWA – عندهم فريق عمل متكامل للرد على الاستفسارات والتحصيل من اي مكان في مصر. بتساعدك كمان في جميع اجرائات التاشيرة وتحضير جميع الاوراق المطلوبة لاستخراجها مجانا، ولكن تحتاج ان تقدم الاوراق بنفسك الى السفارة في الزمالك – القاهرة. تكلفة التاشيرة ٤٥٠ جنية وبتحتاج ٤ اسابيع لاستخراجها، علشان كدة اخر ميعاد للاشتراك في الرحلة هيكون يوم ١٠ ديسمبر.

اتصلوا دلوقتي بالرقم ده علشان تحجزوا مكانكم 📞 01006920399 📞

او اكتبوا بياناتكم في الشيت ده وهنكلمكم فورا https://goo.gl/forms/iS298ilRWnNbuBOf2

برنامج الرحلة

اليوم الاول
التجمع في مطار القاهرة الدولي صباح يوم 22 نوفمبر والسفر على خطوط مصرللطيران الساعة ٨ صباحا والتوجهة الى مطار محمد الخامس – الدار البيضاء.
السفر الى مدينة مراكش والتسكين بالفندق – الاقامة هتكون مدتها ٣ ليالي في مراكش.

اليوم التاني
>> هنفطر فطار مغربي اصيل في الفندق بتاعنا وبعده نزور اهم المزارات السياحية في مدينة مراكش وهنستمتع بالحضارة والثقافة المعمارية المغربية الي عمرها اكتر من ١٠٠٠ سنة. هنزور قصر الباهية وزيارة حديقة ماجوريل – جولة حرة في المدينة القديمة وساحة الفنا ومسجد قطبية. هنتعرف على تاريخ الاماكن دي ونعيش في رحلة في آلة الزمن من خلال مدينة مراكش الساحرة. ساحة الفنا في مراكش هنشوف فيها.
>> هنرشح ليكم احسن اماكن للاكل المغربي في الغذاء والعشاء، والي ممكن يكون اهم حاجة في الرحلة دي للناس الي بتحب الاكل 🙂

اليوم التالت
>> هنتجمع بعد الافطار بدري جدا علشان هنعمل يوم مليان مغامرات في جبال اطلس ونزحلق على الجليد

وبعدها هنعمل زيارة خاصة للبنات لاحد مصانع زيت الارجان المغربي علشان نشتري من ارخص واجود مكان في مراكش.
>> بالليل هنرجع الى مدينة مراكش مرة تانية ونعمل جولة حرة في الاسواق والبازارات.

(اليوم قابل للتعديل على حسب حالة الطقس وسيتم عمل نشاط اخر)

اليوم الرابع
>> هنفطر ونعمل check out من فندق مراكش وهنعمل رحلة لزيارة مدينة افران، سويسرا المغرب. مدينة على المعمار الاوروبي . هنزور المدينة نص يوم ونشوف اهم معالمها وناخد صور حلوة جدا.
>> بعد زيارة افران، هنكمل رحلتنا بالاتوبيس الى مدينة فاس علشان نعمل check in في فندق Ibis budget – لمدة ليلتين. هناخد جولة ليلية سريعة في المدينة ليلا.

اليوم الخامس
>> هنفطر في الفندق علشان نبدأ يومنا في اكتشاف مدينة فاس الاثرية الي عمرها اكتر من ١٢٠٠ سنة. هنزور حاجات كتيرة اوي: زيارة جامع القرويين ، الزاوية التيجانية ، مقام سيدي ادريس و ومصابغ الجلود. – جولة حره بالمدينة القديمة.

اليوم السادس

>> هخلص جولتنا في اكتشاف فاس وبعدها هنتوجه الى المدينة الزرقاء – مدينة شفشاون ونعمل check in  في شقق او رياض في وسط المدينة القديمة لمدة ليلتين في شفشاون، المدينة الزرقاء، احلى مدن المغرب. بيوتها ومبانيها كلها باللون الازرق. حاجة ولا في الخيال. الصور فيها هتكون احلى صور على الاطلاق. اليوم ده كله داخل المدينة تمشية في شوارعها وحواريها، علشان نتوه في جمالها المختلف عن اي مكان تاني.
>> اخر اليوم هنعمل Hike على الجبل المحتضن لمدينة شفشاون علشان نشوف المدينة من اعلى نقطة وقت الغروب.

اليوم السابع
>> هنتوجه بعد الافطار الى مغامرة في الجبال للبحث عن شلالات اقشور المستخبية في احضان الجبال. رحلة hiking بين الانهار والبحيرات والجبال علشان نوصل لشلالات اقشور الشهيرة، من احلى شلالات المغرب. هنقضي اليوم نستمتع بالطبيعة المختلفة والغنية بالمغامرات

اليوم التامن
>> هنعمل check out بعد الافطار ونتوجه بالاتوبيس الى الشاحل الشمالي المغربي، لزيارة مدينة طنجة الساحلية. مدينة زي اسكندرية بس على صغير حبتين. هنعمل فيها جولة سياحية وهنزور اهم معالمها “مغارة هرقل”، الي موجود فيه احد عجائب المغرب الطبيعية. كهف طبيعي مليان تكلسات كائية غابة في الجمال ومكانه على شاطئ المحيط مباشرة.
>> هنخلص زيارتنا لمدينة طنجة ونتجه جنوبا الى الدار البيضاء، مرورا بمدينة الرباط. هنعمل check in في فندق Central في مدينة كازابلانكا

اليوم التاسع
>> بعد الفطار في الفندق، هنعمل check out ونسيب الشنط بتاعتنا في الفندق وننزل نكتشف مدينة كازابلانكا مرة تانية. هنعمل جولات تسويقية للهدايا والتذكارات.
>> هنتجمع مرة اخرى في الفندق علشان ناخد الاتوبيس ونتوجهة الي مطار كازابلانكا. هنركب طيارة العودة للقاهرة في اليوم التاسع – الساعة ١١.٣٠ مساء  يوم ٣٠ نوفمبر 2018

سعر الرحلة
> سعر الرحلة للفرد في غرفة مزدوجة او ثلاثية ١٢٥٠٠ الف جنية مصري ويشمل الطيران والاقامة بالافطار في فنادق (كازبلانكا وفاس) والرياض المغربية (مراكش وشفشاون) والانتقالات الاساسية للمطار. الاقامة في اماكن مريحة وحلوة وذات تقييم عالي على مواقع الحجز المشهورة.

> تكلفة البرنامج السياحي للتسعة ايام ٤٥٠٠ جنية وتشمل الانتقالات الداخلية بين المدن وبين المزارات باتوبيس مرافق طوال ايام الرحلة، جميع تذاكر الدخول والانشطة المذكورة في البرنامج.
> تكلفة الفيزا 600 جنيه

مرشد الرحلة
الرحلة دي هيكون المرشد فيها عمرو بدوي

طريقة الحجز وسياسة الالغاء:

– المجموعة تتكون من 25 مسافر.
– يتم عمل حجز مبدئي في شركة Travel Sawa –  عن طريق دفع مبلغ 5000 جنيه مصري تضمن مكان لك في المجموعة.

– يتم تحضير اوراق التأشيرة من قبل المسافر في الوقت المحدد لتسليمه ودفع قيمة تكلفة التأشيرة 600 جنيه
– في حالة رفض اوراق التأشيرة من قبل السفارة ، يتم خصم مبلغ وقدره 1000  جنيه

الحجز المبدئي متاح حاليا عن طريق الحجز في شركة Travel Sawa – شركة عمرو بدوي الجديدة تحت التأسيس
العنوان :١٥٤ شارع النزهة – ميدان سانت فاطيما – امام بنك مصر – مصر الجديدة
مواعيد العمل من الاحد للخميس من 10 صباحا ل 6 مساءا

للراغبين في الحجز ، يرجى ملئ الاستمارة وهيتم الاتصال بيهم
https://goo.gl/forms/lWDBRRsOwsfZPETL2

للاستفسار ، تليفون:01006920399

0

 likes / 0 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec