05
Jul-2016

ازاي تلاقي تذكرة تايلاند بأقل من ٢٩٠٠ جنية

Thailand (1)

تخيل انك ممكن تلاقي تذكرة طيران (رايح-جاي طبعا) الى تايلاند  بأقل من ٢٩٠٠ جنية!!

من اكتر المواقع الي بحب استخدمها في البحث عن تذاكر السفر هو موقع Skyscanner, علشان في مميزات مهمة جدا مش موجودة في اي موقع اخر على الاطلاق.

١- امكانية البحث بالدولة

يعني بدل ما تكتب انا عايز اروح من القاهرة الى بانكوك، دور على تذكرة من مصر الى تايلاند. ابحث عن التذكرة الى الدولة نفسها مش المدينة الي انت عايز تروحها. طبعا ده على افتراض انك عندك مرونة تسافر من اي مدينة في مصر (اسكندرية، الغردقة، شرم الشيخ) و انك توصل اي مدينة في تايلاند.

٢- امكانية البحث عن ارخص شهر في السنة

الموقع بيتيح لك البحث عن تذاكر السفر الارخص على مدار العام كله. طبعا لازم يكون عندك المرونة الكافية انك تسافر وترجع في الاوقات الي الموقع بيقولك عليها.

تعالوا نتفرج على الخطوات – خطوة خطوة بالصور دي:

١- اكتب اسم الدولة From & To , وبعدين اختار في مواعيد السفر Cheapest Month

cheapest month

٢- اختار مدينة الوصول الارخص من قائمة المدن التايلاندية  – بانكوك

cheapest ticket 2

٣- اختار مطار المغادرة الارخص من المدن المصرية – مطار شرم الشيخ

cheapest ticket 3

٤- هتلاقي ارخص شهر في السنة هو سبتمبر – اختار مواعيد الذهاب والرجوع المكتوبين بالاخضر، لانها الارخص. الذهاب ١٠ والرجوع ٢٨ سبتمبر. يعني ١٨ يوم سفر. حلوين جدا تزور تايلاند ومعاها ماليزيا و كمبوديا كمان لو حبيت.

cheapest ticket 5

٥- الموقع هياخدك لصفحة نتائج البحث وهتلاقى ارخص تذكرة على شركة الطيران الكويتية بحوالي ٣٢٩ دولار. طبعا هتلاقي الرحلة بتعمل ترانزيت طويل وانت رايح وانت راجع في مدينة الكويت العاصمة.

تحت السعر هتلاقي سهم صغير، افتحه وهيطلع لك وكالات تذاكر الطيران Agents الى عندها التذاكر دي. هتلاقي شركة اسمها BudgetAir هي الي بتبيع التذكرة بالسعر الرخيص ده. وهتلاقي قائمة من وكالات تذاكر  الطيران الي عندها التذكرة بس باسعار اعلى شوية. زي GotoGate & Expedia .

cheapest ticket 6

٦- دخلت على موقع BudgetAir علشان اشوف التذكرة فعلا بالسعر ده ولا اغلى من كدة. الموقع انجليزي وعليه الاسعار بالجنية الاسترليني و المفاجأة انها طلعت بالفعل بالسعر ده لما تقارن الاسعار بالجنية المصري. مشيت في العملية للآخر ومكنش فيها اي مصاريف مستخبية غير ٥ جنية استرليني لما تيجي تدفع علشان مصاريف استخدام الكريديت كارد.

cheap ticket 7

cheap ticket

٧- بس مش غريبة انك مش شايف شركة الطيران الكويتية بتبيع التذكرة دي؟؟  …. قولت اروح اشوف التذكرة على موقع الكويتية نفسه واشوف سعرها كام. بس المفاجأة العجيبة اني ما لقتش تذكرة من شرم الشيخ لبانكوك على موقع الطيران الكويتي !؟؟!؟!؟!؟!؟

ولكني لقيت تذكرة من شرم الشيخ الى الكويت بحوالي ٢٤٠٠ جنية و لم اجد امكانية حجز تذكرة الى بانكوك مباشرة.

ticket on kuwait airline kuwait airline ticket no available

sharm- kuwait ticket

والعمل دلوقتي؟!؟!؟! نشتريها من على الموقع الي Skyscanner قال عليه ولا نعمل ايه؟

اقولك ايون ….  اشتريها من BudgetAir,  او من اي موقع Skyscanner طلعهولك. ليه؟ لان كل الشركات الي skyscanner بيطلعها في نتائج البحث عبارة عن وكالات حجز تذاكر طيران ومش شركات نصاااااابة والله العظيم.

الفكرة انه بيكون ليها احيانا خصومات خاصة بيها على عدد محدود من التذاكر. يعني ممكن اول ٥ اشخاص يقروا المقالة دي وتكون المواعيد مناسبة ليهم واشتروا التذكرة … يبقى  خلاص …. بح …. الي هيدور عليها بعد كدة مش هيلاقيها …. هتكون التذاكر الرخيصة دي خلصت.

لو عايز تتأكد من الشركات دي، دور على reviews ليها على الانترنت. وممكن تستخدم الموقع ده علشان تعرف:  www.trustpilot.com

أهم حاجة انكم تفتحوا المواقع الرخيصة وتمشوا في الخطوات بتاعت الحجز خطوة خطوة ، وتتأكدوا من ان الاسعار (بالجنية المصري او بالدولار)  ومطارات السفر والوصول  والمواعيد مزبوطة دايما. وتقروا شروط التذكرة وشروط شركة الطيران علشان تعرفوا هل التذكرة قابلة للالغاء والتعديل ولا لأ. لان ممكن تكون التذكرة غير قابلة للارجاع non refundable و علشان كدة سعرها رخيص. الموضوع ده بيختلف من شركة طيران الى اخرى.

جربوا طريقة البحث دي على اي مكان عايزين تسافروه علشان تلاقوا احسن تذاكر. بس مش شرط برضو ان skyscanner هو احسن موقع للبحث. لازم ندور باستخدا ماكتر من موقع.

وان شاء الله نعمل مناقشة على الهواء Live ساعة او ساعتين على الفيسبوك ونتفرج على طرق حجز التذاكر اونلاين واهم الخطوات علشان تعملوا كدة لوحدكم.

شير بقى مع صحابك ويلا سافروا قبل ما التذاكر الرخيصة تخلص

5

 likes / 10 Comments
Share this post:

Archives

> <
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec
Jan Feb Mar Apr May Jun Jul Aug Sep Oct Nov Dec